Aposel 11:22 - Nupela Testamen long tokples Kandas

²² A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok.

Aposel 11:22 Iomraidhean Croise

Aposel 11:1

A kum aposel ma det ra det tar tistisino una nurnur ra det kis tiro o Judia, det longoro i lena a taro kai ra awu sur a taro Juda det sa nurnur una wasiso anun o God.

Aposel 11:19

A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.

Aposel 11:27

Una kilalo ra, a ramano kum poropet det wan tagisapat o Jerusalem utong o Antiok.

Aposel 15:2

Ra o Pol ma o Banabas der engaras tomo nam det. Ra a taro na nurnur det pilok tar o Pol ma o Banabas ma ara taro utkai tagun det, sur det in nan usapat o Jerusalem torom a kum aposel ma a kum mugumugu anun a taro na lotu, sur det in ting det una utna ri.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 18:22

Ra i sot tong o Sisaria, i wan usapat o Jerusalem sur in lumu tar a taro na lotu, ra numur i wan utong o Antiok.

Aposel 6:5

Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

Aposel 9:27

Ikut o Banabas i ben pasi, ra der wan tomo torom a kum aposel, ma i inanos det lena, “O Sol i sa tama tar a Labino, ma a Labino i wasiso toromi una nun a inawan utong o Damaskus. Tong o Damaskus, i warawai una risan o Iesu ma ke ngara.”

Galesia 2:11

Ra o Pita i wanpat tong o Antiok, a woso matano lena, i sa raro, uni a utna ra i pami ke tokodos.

1 Tesalonaika 3:6

Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.