Aposel 11:13 - Nupela Testamen long tokples Kandas

¹³ Ra i inanos met lena, i tama tar a ensel i wanpat una nun a rumu, i tur ma i watungi lena, ‘Un itula utong o Jopa sur din ben pas o Saimon, ara risano kai o Pita.

Aposel 11:13 Iomraidhean Croise

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 11:12

Ra a Tokodos na Nion i inanos iau sur an nan tomo nam detul, ma gong a nuknuk larlar uni. Ma a wonom na musano kai ri, ra met tar tistisino una nurnur met wan tomo nam detul utong o Sisaria ra met ruk una rumu anun a musano ra i itula sur iau.

Aposel 11:14

In inanos ui un lako kum wasiso ra in ulaun ui tomo nam det rop ra det kis una num a rumu.’

Aposel 12:11

Numur a nuknukin o Pita i talapor pat, ra i watungi lena, “A tasman mulusi lena a Labino i tulu ru anun a ensel, ra i sa ulaun pas iau gusun a laman o Erod, ma gusun a kum utna ra a taro Juda det nem na pami un iau.”

Aposel 9:36

Ara ino tagun a taro na ususer i kis tong o Jopa, a risano o Tabita, ma una wasiso Grik di watungi nam o Dokas. A ino ri, i ser pam a susut na wakak na pinapam, ma i ser tabor a sibo na taro.

Aposel 9:38

O Lida i kis milau i kut o Jopa. Ma a ramano taro na ususer tagitong o Jopa, det sa longoro i lena o Pita i kis tong o Lida, ra det tulu ru aru musano toromi, ma der saringi lena, “Un maris met, ma un nan lakit torom met.”

Aposel 9:42

A taro rop tong o Jopa det talapor un asau ra i wanpat, ma a susut na taro, det nurnur una Labino.

Aposel 9:43

O Pita i kis suano pasi tiro o Jopa tomo nama ra musano a risano o Saimon, a tene pam ututna nama pinin a wewegua.

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.