Aposel 10:38 - Nupela Testamen long tokples Kandas

³⁸ Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 10:38 Iomraidhean Croise

Matiu 12:15

Ra o Iesu i tasmani lena det wasiso tomo sur det in um doko i, i wan tagitiro iai. A labino kunur na taro det muri, ma i ulangolango pas det rop ra det misait.

Matiu 12:28

Ikut, ra an lakro ru a kum laulau na nion nama dekdekin a Nion o God, in ese i lena a matanitu anun o God i sa wanpat torom mot.

Matiu 9:19

Ra o Iesu i katutur ra der wan, det tomo nam anun a kum nat na ususer.

Matiu 9:35

O Iesu i wan nanan una kum lamlabino tamon ma a kum natnat na tamon rop. Ra i ususer a taro una nundet a kum rumu na lotu, ma i warawai nama Wakak na Wasiso una matanitu anun o God, ma i ulangolango pas a taro gusun a kum wur ngas na misait rop.

A Wakak na Wasiso un o Iesu Karisito o Mak i tumusi 6:6

I kisin, uni ka det nurnur uni. Numur o Iesu i wan nanan una kum tamon, ra i ususer a taro.

Luk 3:22

ma a Tokodos na Nion i wan pirso, i ubek pas a pinino lar in natabun ma i kis taru netes un o Iesu. Ma in nalngan ara tagisapat una langit i watungi lena, “Ui a Nutunglik, a nat na wakak, a gas doko nam ui.”

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

Luk 9:42

Ra a nat i wan nanan utmakai torom o Iesu, a laulau na nion i woro piso tari una piso ma i gunu dekdeki. O Iesu i wasiso dekdek torom a laulau na nion ra i lakro ru i, ra a nat i langolango melet. Numur i pitar melet tari torom o tamano.

Luk 9:56

Ra o Iesu tomo nama nun a kum nat na ususer det wan sur ara tamon gisen.

A Wakak na Wasiso un o Iesu Karisito o Jon i tumusi 10:32

O Iesu i watungi tandet lena, “A sa ese tar mot una susut na pinapam, ra o Tita i pitar tari tang sur an pami. Osi na utna tagun a kum pinapam ri, ra a pami, ra mot nem na duku iau uni?”

A Wakak na Wasiso un o Iesu Karisito o Jon i tumusi 16:32

A du bung in nanpat, ma iri i sa wanpat, ra din lu susuaro ru mot gusun iau, ra mot in nan susuaro sur anumot a kum tamon taktakai, ra iau mukut an kis. Ikut awu sur iau kut ra an kis, mir ut nam o Tita.

A Wakak na Wasiso un o Iesu Karisito o Jon i tumusi 3:2

I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

A Wakak na Wasiso un o Iesu Karisito o Jon i tumusi 3:34

I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

A Wakak na Wasiso un o Iesu Karisito o Jon i tumusi 6:27

Gong mot papam kut sur a utna na inangon ra i ser mereseng. Mot in papam sur a utna ra in kis tukum sur a nilaun kura numur, ra a Nutun a Musano in tabor mot nami. Uni o Tamano, o God i sa ese tari lena i mulaot un asau ra a Nutun a Musano i pami.”

Aposel 10:37

Mot tasman a kum lamlabino utna ra i wanpat una kum tamon tong o Israel, turpasi tong o Galili numur tan a baptais ra o Jon i warawai nami.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Ibru 1:9

U nem doko a tokodos na petutna, ma u nget a sakino petutna. I mo ra o God, anum a God, i pilok pas ui, ma i pitar tar a gasgas ma a urur tam, ra i labo sakit taun a gasgas ma a urur ra i pitari torom a kum paspasam.” Sng 45:6-7

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.