Aposel 10:35 - Nupela Testamen long tokples Kandas

³⁵ I gas pas a taro tagun a kum kamkabo taro rop, ra det ru i ma det pam a tokodos na petutna.

Aposel 10:35 Iomraidhean Croise

Luk 1:28

A ensel i ruk torom o Maria ma i watungi tano lena, “Un gas, u dan doko! A Labino i kis tomo nam ui.”

Aposel 10:2

O Konelias ma det rop ra det kis una nun a rumu det a kum tene lotu mulus ma det ser urur torom o God. O Konelias i a tene etabor, i ser tabor a kum sibo na taro, ma a kum bung rop i ser wararing torom o God.

Aposel 10:28

Ra i watungi tandet lena, “Mot tasmani lena i tabu una numet a warkurai sur met a kum te Juda met in lason tomo nam taio ra awu sur a te Juda, ma met in lumu i kai. Ikut uniri o God i sa ese tar iau lena, gong a watungi un taio lena i dur umatan o God, ma gong a nuki lena i tabu torom met sur met in lason tomo nami.

Aposel 15:9

Anun a pinapam torom dat ma torom det ke senene. I ukodos det kai umatano uni det nurnur.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 2:14

A taro ra awu sur a taro Juda, det ra ka det tasman a Warkurai, ikut det pami ut a wakak na petutna, elar nama Warkurai, i ese i lena a Warkurai kura ut una gapindet.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 5:21

Mot in unatino pas mot torom mot etetalai, uni mot urur torom o Karisito.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.