Aposel 10:19 - Nupela Testamen long tokples Kandas

¹⁹ Ra o Pita i nuknuk utmakai una tamtama ra, a Tokodos na Nion i watungi tano lena, “Tama i! A tulu musano detul sisio sur ui.

Aposel 10:19 Iomraidhean Croise

A Wakak na Wasiso un o Iesu Karisito o Jon i tumusi 16:13

A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.

Aposel 10:18

Numur detul kakabo ruk, detul iting lena, “O Saimon ara risano kai o Pita kura i tiro?”

Aposel 10:3

A tulu pakano bung un ara lirop i tama ara tamtama. I tama pupuaso a ensel anun o God i wanpat toromi ma i kabo i lena, “Konelias!”

Aposel 11:12

Ra a Tokodos na Nion i inanos iau sur an nan tomo nam detul, ma gong a nuknuk larlar uni. Ma a wonom na musano kai ri, ra met tar tistisino una nurnur met wan tomo nam detul utong o Sisaria ra met ruk una rumu anun a musano ra i itula sur iau.

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 15:7

Ra det sa wasiso suano pas det, o Pita i katutur ma i watungi tandet lena, “A kum tistising, mot tasmani lena numugu, o God i pilok pas iau gusun mot, sur an warawai nama Wakak na Wasiso torom det ra awu sur a taro Juda, sur det in longoro i, ma det in nurnur uni.

Aposel 21:4

Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem.

Aposel 8:29

Ra a Tokodos na Nion i watungi tan o Pilip lena, “Un nan milau a karis, ma un nan tomo nami.”

1 Korin 12:11

Ara Nion sot kut ra i pam a kum pinapam rop ri. Ma una nun a nemnem ut, i tabor arara taktakai.

1 Timoti 4:1

A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion.