Aposel 10:15 - Nupela Testamen long tokples Kandas

¹⁵ Ra in nalngan ara i balu meleti lena, “A utna ra o God i sa utalapor tari, gong u watungi lena i dur.”

Aposel 10:15 Iomraidhean Croise

Matiu 15:11

Asau ra in ruk una wan tu musano, ken uduri umatan o God. Ikut, asau ra i watungi nama wano, i ra in uduri umatan o God.”

A Wakak na Wasiso un o Iesu Karisito o Mak i tumusi 7:19

Uni ke ruk una nuknukino, i ruk pas kut unin balano ra i pirso melet.” Ra una nun a wasiso ra, i upuaso i lena, a kum utna na inangon rop i wakak.

Aposel 10:16

A utna ri di pami elar nama tulu dino, ra uniutra di dat toto melet pasi usapat una langit.

Aposel 10:28

Ra i watungi tandet lena, “Mot tasmani lena i tabu una numet a warkurai sur met a kum te Juda met in lason tomo nam taio ra awu sur a te Juda, ma met in lumu i kai. Ikut uniri o God i sa ese tar iau lena, gong a watungi un taio lena i dur umatan o God, ma gong a nuki lena i tabu torom met sur met in lason tomo nami.

Aposel 11:9

Ra in nalngan ara tagisapat una langit i balu meleti lena, ‘A utna ra o God i sa utalapor tari, gong u watungi lena i dur.’

Aposel 15:20

Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

Aposel 15:9

Anun a pinapam torom dat ma torom det ke senene. I ukodos det kai umatano uni det nurnur.

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

A Pas anun o Pol torom a taro Rom 14:20

Ma gong mot ban laulau a pinapam anun o God, kibino una utna na inangon kut. A kum utna na inangon rop i wakak kut umatan o God, ikut ra taio in nan tu utna ra in ban ling tar taio sur in puku una nun a nurnur, a utna ra i pami ke tokodos.

1 Korin 10:25

A kum wewegua ra di siuru i una rumu na siuru, mot in nani. Ma gong mot iting lena, di sa etabor taru nami torom a torotoro na god o awu, sur gong a nuknuki mot in takun mot lena mot pam a sakino.

Taitus 1:15

A kum utna rop i tokodos torom det ra det tokodos, ikut torom det ra ka det tokodos ma ka det nurnur, a kum utna rop kai ken tokodos. A balandet i laulau doko, ma katu tokodosino tiro una nuknukin det.

Tamtama 14:20

Ma di paspas reseng a kum wino wain unin nutung na wat ra, ra kura upiso tan in noworo ina labino tamon. Ma a gap i sal pat tagun in nutung na wat ra. I walos elar nama tulu mar na kilomita, ma i lubu tito usapat netes tuk una du aen ra i kis una wan a os.