1 Timoti 6:4 - Nupela Testamen long tokples Kandas

⁴ a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a nuknuk laulau sur a utna anun taio, a engaras, a emang, a nuknuk laulau torom a taro.

1 Timoti 6:4 Iomraidhean Croise

Aposel 15:2

Ra o Pol ma o Banabas der engaras tomo nam det. Ra a taro na nurnur det pilok tar o Pol ma o Banabas ma ara taro utkai tagun det, sur det in nan usapat o Jerusalem torom a kum aposel ma a kum mugumugu anun a taro na lotu, sur det in ting det una utna ri.

Aposel 18:15

Ikut, ra mot takuni kut una kum wasiso, ma una kum rising, ma una anumot a kum warkurai ut, i wakak sur mot ut mot in warkurai i. Iau kan warkurai i una kum ngas na utna ri.”

Aposel 8:9

Ara musano tagitiro iai, a risano o Saimon. I ser sangsagor una susut na kilalo, ra a taro Samaria det ser kisin una kum utna ra i ser pami. Ma i warango pasi ut umatan a taro.

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 14:1

Mot in gas pas taio ra ke dekdek anun a nurnur, ma gong mot tama pisopiso i. Gong mot engaras una kum utna ra ke talapor toromi.

A Pas anun o Pol torom a taro Rom 2:8

Ikut torom det ra det ser ulabo pas det melet ut, ma ka det mur a lingmulus na wasiso anun o God, ma det muri kut a sakino petutna, o God in kankan, ma in balano sungun torom det.

1 Korin 11:16

Ra taio in pukus a wasiso ri, anung a minabalu i lenri: Ka met mur tu ngasino gisen, ma a taro rop anun o God una kum tamon kai awu.

1 Korin 11:18

A mugano utna: A sa longoro tari lena, ra mot ser wan tomo sur a lotu, mot ser tapagol sarara kut, ma a nuki lena a ramano kum wasiso tagun a wasiso ra, i lingmulus.

1 Korin 3:18

Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

Galesia 5:15

Ikut ra mot ukadik etetalai mot elar nama kum wewegua ra det karot etetalai det ma det wan etetalai det, mot in tumarong mot, sako mot in ban laulau rop ru mot.

Galesia 5:26

Gong dat uman labino, gong dat ukatutur a balano sungun etetalai, ma gong dat nuknuk laulau etetalai sur tu utna anun taio.

Galesia 6:3

Ra taio i nuki lena i labo, ikut ra ke labo, i ut i toro melet pasi.

Pilipai 1:15

A lingmulus, ara taro det warawai un o Karisito uni det nuknuk laulau un iau. Ma ara taro kai, det warawai uni det nem na turbat iau gusun anung a kinkinis na mugumugu. Ikut, ara taro det warawai nama wakak na nuknukin det.

Pilipai 2:14

A utna rop ra mot pami gong mot ururai, ma gong mot wasiso na engaras uni,

Pilipai 2:3

Gong mot pam tu utna sur in warut mot ut, ikut ken warut ara taro kai. Gong mot pam tu utna sur mot in ulabo pas mot nami. Mot in unatino pas mot ma mot in nuk ulabo pas ara taro gisen.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

1 Timoti 1:7

Det nemi sur det in ususer a taro una kum Warkurai anun o God, ra det nuki lena det tasman wakaki, ikut ka det tasman mulus asau ra det wasiso uni.

1 Timoti 3:6

Gong taio i mugumugu na lotu ra i nukpukus matok taru kut, sako in umuman labino, ra in puku, ma din warkurai i elar nam o Satan.

2 Timoti 2:14

Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in ban laulau det ra det longoro i.

2 Timoti 2:23

Un nan gisen gusun a kum wasiso ororos ra katu kukuraino, uni det in ukatutur a kum wasiso na engaras.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

Taitus 3:9

Un nan gisen gusun a kum tuptup na wasiso, ma a kum utatos, ma a engaras, ma a inaim na wasiso una Warkurai anun o Moses, uni ka det gas un tu utna, ra ken warut ui.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

2 Pita 2:12

Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.

A Pas anun o Jud 1:16

A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nama nundet a kum namnamin na wasiso, sur det in los tu utna gusun det.

Tamtama 3:17

Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere.