1 Timoti 6:10 - Nupela Testamen long tokples Kandas

¹⁰ Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

1 Timoti 6:10 Iomraidhean Croise

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 6:19

“Gong mot ubek tomo a kum wakak na ululeng nin upiso, uni a koropos ma a moroto der in ban laulau ru det kut, ma a kum tene wolong kai det in rege pas anumot a kum rumu ma det in los a kum ututna.

A Wakak na Wasiso un o Iesu Karisito o Mak i tumusi 4:19

ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, ma a nemnem kai sur a ramano kum utna, i rau bat a wasiso anun o God, ra ka det wu lako windet.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

1 Timoti 6:21

A ramano taro det watungi lena det tasmani ut a mananos ra, ra det sa wan gisen gusun a nurnur un o Iesu. A marmaris anun o God torom mot.

1 Timoti 6:9

Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum.

2 Timoti 3:2

A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

Taitus 1:11

Un turbat anundet a kum wasiso, uni det ser ban laulau a nurnur anun a susut na kamkabo tamano nama kum etowo, ra ke wakak sur din ususer det nami. Det ser ususer det kut lenri sur det in toro pas a mani gusun det.

Jems 5:19

A kum tistising, ra taio tagun mot in nan raro gusun a lingmulusino, mot in ben pukus melet pasi.

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.

Tamtama 18:13

ma a ramano kum utna i sangnain wakak, ma aru utna kai ra der sangnain wakak ra di watung der nama kinamon, ma a mira, ma a paura di tuni ra a misino i sangnain wakak ra di watungi nama insens, ma a wain, a wel na oliw, a palawa ma a wit, ma a kum bulumakau ma a kum sipsip, a kum os ma a kum karis, ma a kum tene ititula, det a kum mulusino ut.