1 Timoti 5:8 - Nupela Testamen long tokples Kandas

⁸ Ra taio ke warut a kum kukunu, ma det kai ra tagun anun a rumu, i sa wan gisen gusun a nurnur. I ra i laulau sakit taun a taro ra ka det nurnur.

1 Timoti 5:8 Iomraidhean Croise

Matiu 18:17

Ra ken longoro der, un upuaso i torom a taro na lotu. Ra ken longoro i bulung a taro na lotu, i wakak sur un tama i elar nam o naro ra awu sur a tene nurnur, o elar nam o naro ra a tene los takis.

Matiu 7:11

Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.

A Wakak na Wasiso un o Iesu Karisito o Jon i tumusi 15:22

“Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna.

1 Korin 6:6

Ilai ra tu tene nurnur in ben melet tar ara tene nurnur torom det ra ka det nurnur, sur det in warkurai i?

2 Korin 12:14

Tama i, uniri a sa waninar sur a mantul na inawan torom mot. Ma kan saring tu utna gusun mot, uni ka nem anumot a mani, a nem mot ut. Uni ke tokodos sur a kum nat liklik det in tabor a kum tamandet ma a kum nandet. I wakak sur a kum tamandet ma a kum nandet ut det in ubek a utna sur det in tabor a kum nutnutun det nami.

2 Korin 6:15

O Karisito ma o Satan der in emarom pepetlai? A tene nurnur, der in pasano pepetlai nam taio ra ke nurnur?

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

2 Timoti 2:12

Ra dat in taramo a ngunungut tomo nami, dat in warkurai tomo utkai nami una nun a matanitu. Ra dat in ipul ru i, i kai in ipul ru dat kut.

2 Timoti 3:5

Det in mur a petutna ra i wakak umatan o God una pinindet kut, ikut ka det in nem a dekdekino. Un nan gisen gusun a ngas na taro ra.

Taitus 1:16

Det watungi lena, det tasman o God, ikut anundet a kum pinapam ut i upuaso i lena, ka det tasmani. Det a kum sakino taro doko, a kum tene pitarngat, ma ka det in pam lar pas tu wakak na pinapam.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.

Tamtama 3:8

A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang.