1 Timoti 4:8 - Nupela Testamen long tokples Kandas

⁸ Ra dat ulason a pinindat una wap, i warut a pinindat. Ikut ra dat ulason dat sur a petutna ra i wakak umatan o God, i warut dat una kum utna rop. Awu sur una nilaun kut ri, i warut dat kai una nilaun kura numur.

1 Timoti 4:8 Iomraidhean Croise

Matiu 12:32

Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.

Matiu 19:29

Ma det rop taktakai ra det sa wan gusun anundet a kum rumu, o gusun a kum tistisin det a kum musano ma a kum ino, o gusun a kum tamtaman det, o a kum nanan det, o a kum nutnutun det, o gusun anundet a kum piso, uni det mur iau, din pitar a marmar na utna lenri tandet, ma det in rakoni kai a nilaun tukum.

Matiu 6:33

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

A Wakak na Wasiso un o Iesu Karisito o Mak i tumusi 10:30

una nilaun ri, din pitar arara mar tagun a kum ututna ri tano: a kum rumu, a kum tistisino a kum musano ma a kum ino, a kum nanano, a kum nutnutunu ma a piso, ma a kum ngunungut utkai. Ma una nilaun numur din tabori nama nilaun tukum.

Luk 5:38

Din titior a matok na wain ut utiro unin matok na koto na wain.

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

1 Korin 3:22

O Pol, o Apolos, o Pita, a rakrakon bual, a nilaun, a minat, a kum utna tagun uniri, ma a kum utna ra in nanpat numur, anumot rop kut.

1 Korin 8:8

Ikut, a utna na inangon ke warut dat sur dat in tokodos umatan o God. Ra ka dat wangon, ke ban laulau dat umatan o God, ma ra dat in nangon kai, ken warut dat sur dat in wakak umatan o God.

1 Timoti 4:7

Un nan gisen gusun a kum saksakutna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God.

1 Timoti 6:3

Ra taio in ususer a taro nam tu se etowo, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God,

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

1 Timoti 6:6

Ikut ra dat mur a petutna ra i wakak umatan o God, tomo nama gasgas un asau ra o God i etabor nami, i ra a ululeng mulus.

2 Timoti 3:5

Det in mur a petutna ra i wakak umatan o God una pinindet kut, ikut ka det in nem a dekdekino. Un nan gisen gusun a ngas na taro ra.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

1 Jon 2:25

Ma asau ra i uliliman tari sur in pitari tandat, i a nilaun tukum.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.