1 Timoti 4:3 - Nupela Testamen long tokples Kandas

³ A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulusino, det in watung wakak torom o God uni, ma det in nani.

1 Timoti 4:3 Iomraidhean Croise

Matiu 14:19

Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.

Matiu 15:11

Asau ra in ruk una wan tu musano, ken uduri umatan o God. Ikut, asau ra i watungi nama wano, i ra in uduri umatan o God.”

Matiu 15:36

I los pas a wonom mawit nin beret ma a kabanin kiripo ra, i watung wakak pas uni torom o God, i tibiki ma i pitari torom a kum nat na ususer sur det in tabor a taro nami.

Luk 24:30

Ra detul kis sur detul in nangon, o Iesu i los pas a beret, i watung wakak pas uni, i tibik pasi, ma i tabor der nami.

A Wakak na Wasiso un o Iesu Karisito o Jon i tumusi 6:23

A ramano kum pot tagitong o Taiberias det sot milau una nubual ra a Labino i watung wakak una beret, ma a kunur na taro det wangon iai.

Aposel 27:35

Ra o Pol i sa watung tari lenri, i los pas a beret, i watung wakak pas uni torom o God umatandet rop, i tibiki, ra i wangon.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 14:3

Osi ra i nurnur lena i wakak kut ra in nan a kum utna rop, gong i tama pisopiso o naro ra ke wan a kum utna rop. Ma osi ra ke wan a kum utna rop, gong i warkurai o naro ra i wan a kum utna rop lena i pam a sakino petutna, uni o God ut i sa gas pasi.

A Pas anun o Pol torom a taro Rom 14:6

O naro ra i nuki lena, ara bung i labo, a nuknukino i lenra, sur in ulabo pas a Labino. Ma o naro ra i ser wan a kum utna rop, i pami sur in ulabo pas a Labino, uni i ser watung wakak torom o God. Ma o naro kai, ra i ser wani kut a kum utna ra di maruti, i pami kai, sur in ulabo pas a Labino, ra i ser watung wakak torom o God.

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

1 Korin 7:28

Ikut, ra un nolin, awu sur u pam a sakino petutna. Ma ra tu toraro in nolin, awu sur i pam a sakino petutna. Ikut, det ra det nolin det in taramo a susut na mamaut una nundet a nilaun, ra ka nemi sur mot in etorom a kum mamaut ri.

1 Korin 8:8

Ikut, a utna na inangon ke warut dat sur dat in tokodos umatan o God. Ra ka dat wangon, ke ban laulau dat umatan o God, ma ra dat in nangon kai, ken warut dat sur dat in wakak umatan o God.

Kolosi 2:16

I mo ra, gong mot madek tar taio sur in takun mot lena, ka mot pam sot pas a kum warkurai un asau ra mot in nani ma mot in inumi, ma una kum lamlabino bung na lotu, ma una kalang ra i wanpat kibin, ma una Bung na Sabat.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

1 Timoti 2:4

I nemi sur in ulaun a taro rop, ma det in tasman a lingmulusino.

1 Timoti 4:4

Uni a kum utna rop ra o God i ukis tar det, det wakak, ra gong dat ngaran ru det. Dat in watung wakak torom o God uni, ra dat in nani.

1 Timoti 5:14

A nemi sur a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.