1 Timoti 4:12 - Nupela Testamen long tokples Kandas

¹² Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Timoti 4:12 Iomraidhean Croise

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

1 Korin 11:1

Mot in mur a magirang, elar nami ra a mur a magiran o Karisito.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 1:6

Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot.

1 Tesalonaika 2:10

Mot ut, ma o God kai, mot tama a magirametul ra metul kis epotor tamot, a kum tene nurnur. A magirametul i talapor ma i tokodos, ma katu etakun i los metul un tu utna.

1 Timoti 1:14

Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.

2 Timoti 2:15

Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

2 Timoti 2:7

Un ser nuk ukai a kum wasiso ri a tumusi torom ui, uni a Labino ut in utalapor a kukuraino torom ui.

Taitus 2:15

Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.

Taitus 2:7

Una kum utna rop ra u pami, un pam a wakakino, sur a wakak na etowo torom det. Ra u ususer det, un papam nama lingmulus, ma a urur.

Jems 3:13

Osi na pasamot i mananos, ma i tastasman? I wakak ra in upuaso i una nun a wakak na nilaun, una nun a kum wakak na pinapam, tomo nama ngasino ra i unatino pasi ut. A ngasino ra i unatino pasi ut, i wanpat tagun a mananos mulus.

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

1 Pita 5:3

Gong mot ulabo pas mot, ma mot warkurai dekdek det, ra di sa pitar tar det una numot a tamtamabat. A magiramot in wakak sur a kum sipsip det in tama i ma det in muri.