1 Timoti 4:1 - Nupela Testamen long tokples Kandas

¹ A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion.

1 Timoti 4:1 Iomraidhean Croise

Matiu 18:7

“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi.

Luk 17:1

O Iesu i watungi tan anun a taro na ususer lena, “A kum utna in nanpat ut, ra in upuku a taro una sakino, ikut in laulau doko torom o naro ra i pam pat pasi.

A Wakak na Wasiso un o Iesu Karisito o Jon i tumusi 16:13

A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 20:23

A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau.

Aposel 21:11

I wan torom met, ra i rakon pas a let anun o Pol, ra i ker pas aru kikino ma aru lamano ut nami, ma i watungi lena, “A Tokodos na Nion i watungi lena, ‘A taro Juda sapat o Jerusalem det in ker a musano ra anun a let ri, lenutri a pami. Ma det in pitar tari una laman a taro ra awu sur a taro Juda.’”

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

1 Korin 10:20

A watungi tamot lena a kum utna ra a taro ra ka det nurnur det etabor nami, det etabor nami torom a kum laulau na nion, ma awu sur torom o God. Ma ka nemi sur mot in lason tomo nama kum laulau na nion.

1 Korin 11:19

Uni a taro na lotu det in taptapagol ut, sur din tama lele det ra det tokodos ma det kai ra det raro.

1 Korin 12:11

Ara Nion sot kut ra i pam a kum pinapam rop ri. Ma una nun a nemnem ut, i tabor arara taktakai.

1 Korin 2:10

Ikut a Nion o God i upuaso a kum utna ri torom met. Uni a Tokodos na Nion i tasman a kum utna rop. Lingmulus, i tasmani ut a kum ninunuk na pidik anun o God.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

2 Timoti 4:4

Ka det in longoro a lingmulusino mo, det in longoro i mukut a kum wasiso ororos kut.

Jems 3:15

A mananos ra, awu sur tagisapat netes una langit, a mananos kut taginin upiso. I wanpat kut tan o Satan, ma awu sur tagun a Tokodos na Nion.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

2 Pita 3:3

A labino utna sakit, mot in tasmani lena, una kum ururop na bung, a taro na urongon det in nanpat ra det in muri kut a kum sakino nemnem. Det in urongon laulau,

1 Jon 2:18

A kum nutnutung, uniri dat kis una kum ururop na bung. Mot sa longoro tari lena a ebar anun o Karisito in nanpat, ma uniri a susut na ebar ra, det sa wanpat. Iri dat sa tasmani lena a ururop na bung i sa milau.

1 Jon 4:6

Dat anun o God, ma osi ra i tasman o God i longoro dat. Ikut osi ra awu sur tagun o God, ken longoro dat. Lenra dat in tasman lele a Nion ra i lingmulus, ma a nion ra i torotoro.

A Pas anun o Jud 1:18

Det sa inanos tar mot lena, “Una kum ururop na bung, lako taro det in watung laulau o God, ra det in mur anundet a kum nemnem, ra ke elar nama nemnem anun o God.”

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 16:14

Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.

Tamtama 18:2

Ma i woiwoi namin labino walngano lena, “A labino tamon Babilon i sa puku! I sa puku! Uniri i sa wanpat a nubual anun a kum laulau na nion ma a nubual na parparau anun a kum laulau na nion ma a nubual na parparau anun a kum piko ra det dur, ma a nubual na parparau anun a kum wewegua ra det dur ma det milmiluon.

Tamtama 18:23

Katu talapor na lam melet mo in lalom pat nisam. Katutaio melet mo in longoro tar in nalngan tu matok na nolin nisam, a barman ma a toraro. Numugu anum a kum tene siuru det a kum lamlabino tene ululeng una rakrakon bual. U ben raro pas a taro tagun a kum gapman rop nam anum a miliro.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

Tamtama 2:29

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 20:8

Ra in nan sur in toro pas a taro tagun a kum gapman rop tagun a wat na matmatano wuwu, a taro ra di watung det nam o Gok ma o Magok. In ben tomo det sur a inaim. A nilulukin det in elar nama woio tagun a usalin.

Tamtama 3:13

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.

Tamtama 3:22

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.”

Tamtama 3:6

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.

Tamtama 9:20

Ma a taro ra a laulau na ukadik ri ke um doko det, ka det nukpukus gusun a kum toktok ra det pami nama lamandet. Ka det mana gusun a lotu torom a kum laulau na nion ma a kum torotoro na god ra di pam a malalarindet nama gol, a silwa, a bras, a wat, o a nuduwai. A kum malalar ra ka det tamtama, ka det longoro ma ka det wanan.