1 Timoti 3:8 - Nupela Testamen long tokples Kandas

⁸ Lenkutkai ra torom a kum tene warut una lotu, i wakak sur det a kum ngas na musano ra a taro det ser urur un det, det in lingmulus una nundet a wasiso, gong det tene ininum ma gong det nemnem sur a labino mani.

1 Timoti 3:8 Iomraidhean Croise

A Pas anun o Pol torom a taro Rom 3:13

“A kum wandet i papos elar nama kum tung na minat, ma a wasiso anundet i elar nama singino na minat. Det ser watung a kum torotoro nama kum karmendet.” Sng 5:9 “A wasiso tagun a wandet, i elar nama kusmapak na sui ra i ser karot doko a taro.” Sng 140:3

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

1 Timoti 3:12

A tene warut una lotu in nolin kut nam ara ino, ma in mugu wakak a kum nutnutunu, ma det rop una nun a rumu.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

1 Timoti 5:23

Gong u inum a danim kut, un inumi kai lakalik wain sur in warut ui una misait ra kura unin balam, uni u misait liklik nami.

Taitus 1:7

I wakak ra a mugumugu na lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

Jems 3:10

A wasiso na watung ulabo a Labino, ma a wasiso ra i ban laulau taio, der rop, der ser pirso kut gusun a wandat. A kum tistising, ke tokodos lenra.

1 Pita 5:2

Mot in tamtamabat a kum sipsip anun o God, ra di pitar tari torom mot sur mot in tamtamabat det. Gong mot papam, uni a taro det ungongos tar mot uni, mot in papam, uni mot ut mot nemi, elar nama nemnem anun o God. Mot in papam, uni mot ut mot nem doko i, ma gong mot papam kut nama nemnem sur a mani.