1 Timoti 3:2 - Nupela Testamen long tokples Kandas

² A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

1 Timoti 3:2 Iomraidhean Croise

Luk 1:6

Der aru tene tokodos umatan o God, der mur wakak a kum Warkurai rop anun a Labino.

Luk 2:36

Ara ino bulung, a poropet, a risano o Ana, a nutun o Panuel, tagun a kabotaro Aser. I sa takano laulau, i sa tiwal na noino ma wat na kilalo anunu ma i ula mukut. Der nolin pas kut a wonom mawit na kilalo, ra numur anun a musano i mat. A ino ri ke wan taru gusun a rumu na etabor, i ser lotu una kum mirum ma a waspi, i ser wewel ma i ser wararing.

A Pas anun o Pol torom a taro Rom 12:13

Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

1 Timoti 3:12

A tene warut una lotu in nolin kut nam ara ino, ma in mugu wakak a kum nutnutunu, ma det rop una nun a rumu.

1 Timoti 3:8

Lenkutkai ra torom a kum tene warut una lotu, i wakak sur det a kum ngas na musano ra a taro det ser urur un det, det in lingmulus una nundet a wasiso, gong det tene ininum ma gong det nemnem sur a labino mani.

1 Timoti 4:3

A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulusino, det in watung wakak torom o God uni, ma det in nani.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

1 Timoti 5:9

Un tumus ukai i kut a risan a kum ula ra a wonom na noino kilalo anundet, ma usapat, sur a taro na lotu det in warut det. Det in warut a ngas na ino ra i nolin pas kut nam ara musano,

2 Timoti 2:24

A tultul anun a Labino gong i ser engaras, ikut in wakak na tene ususer, in pam a wakakino torom a taro rop, ma in ese anun a wowowon na petutna torom a taro ra i ukodos det.

Taitus 2:2

Un ususer a kum musano ra a kum mugano tam, sur det in tumarong a magirandet, det in los a ngas na nilaun ra a taro det in ru det uni, det in tamtamabat wakak anundet a nilaun, det in lingmulus una nundet a nurnur, anundet a marmaris ma anundet a tuntunur dekdek ra det etorom a mamaut.

Ibru 13:2

Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

1 Pita 4:9

Mot in gas etetalai pas mot una anumot a kum rumu, ma gong mot pami nama wasiso na ururai.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.