1 Timoti 3:16 - Nupela Testamen long tokples Kandas

¹⁶ A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Timoti 3:16 Iomraidhean Croise

Matiu 1:23

“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14 a kukuraino lena, “O God i kis tomo nam dat.”

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Matiu 28:2

Ma a labino guri i wanpat, uni ara ensel anun a Labino i wan pirso tagisapat una langit sur a kulam na minat, ma i bulus gisen ru a wat, ra i kis taru netes uni.

Matiu 3:16

Ra i baptaiso tari. Uniutra o Iesu i saur gusun a danim, ra a langit i papos, ma i tama a Nion o God i wan pirso elar namin natabun ma i kis taru netes uni.

Matiu 4:11

Numur o Satan i wan pas gusuni, ra a kum ensel det wanpat toromi, ma det waruti.

A Wakak na Wasiso un o Iesu Karisito o Mak i tumusi 1:13

ra i kis tiro a wat na noino bung, ra o Satan i lari. I kis tomo nama kum kuabor ma a kum ensel det waruti.

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

A Wakak na Wasiso un o Iesu Karisito o Mak i tumusi 16:5

Ra detul ruk una kulam, detul tama ara barman, i kis taru una papor sot na lamandetul, i emar pas namin kabang na malu. Ra detul tama pasi, detul kisin ma detul ngara.

Luk 2:32

I a talapor sur in utalapor anum a kisapi torom det ra awu sur a taro Israel, ma sur a minamar torom anum a taro Israel.”

Luk 20:44

O Dewid i watung a Karisito lena, i anun a Labino. Ra i lenra, der tamano pepetlai?”

Luk 22:43

Ra ara ensel tagisapat una langit i wanpat toromi, ma i udekdek tari.

Luk 24:4

Ra a nuknukin det i lokolokor utmakai uni, uniutra, aru musano, anunder arin namalu i pilpil doko, der wanpat torom det.

Luk 24:51

Ra i watung udan det utmakai, i wan gusun det, ra o God i ben toto pasi usapat una langit.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 13:3

O Iesu i tasmani lena, o Tamano i sa pitar rop tar a dekdek toromi, sur in warkurai sur a kum utna rop nami. Ma i tasmani lena i wan ut tagisapat tan o God, ma in milet melet torom o God.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

A Wakak na Wasiso un o Iesu Karisito o Jon i tumusi 16:28

A wan tagisapat tan o Tita, ra a wan urin una rakrakon bual. Uniri, an nan mo gusun a rakrakon bual, ma an milet melet torom o Tita.”

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Wakak na Wasiso un o Iesu Karisito o Jon i tumusi 20:12

I tama pas aru ensel kura der tiro, der emar nama kum kabang na malu ma der kis taru una nubual ra di inep tar a minatin o Iesu iai. Ara i kis una ulalong, ma ara pasander i kis una papadus.

A Wakak na Wasiso un o Iesu Karisito o Jon i tumusi 6:62

In pepetlai torom mot, ra mot in tama a Nutun a Musano ra in milet melet usapat sur a tamon ra numugu i kis pas iai?

Aposel 1:19

Det rop ra det kis tiro o Jerusalem, det longoro i, ma det watung a piso ra nam anundet a wasiso, Akeldama, a kukuraino, a piso na gap.

Aposel 10:34

O Pita i watungi lena, “A tasman mulusi lena, a kum kamkabo taro rop det elar kut umatan o God.

Aposel 14:27

Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

A Pas anun o Pol torom a taro Rom 10:12

Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.

A Pas anun o Pol torom a taro Rom 10:18

Ikut, a iting lena, pepetlai, a taro Israel ka det longoro i utmakai a Wakak na Wasiso? Det longoro i ut. Elar nami ra di sa tumus tari una Buk Tabu lenri, “A taro taginin upiso det sa longoro in nalngandet. A wasiso ra i sa wan sarara una kum nubual rop una rakrakon bual.” Wkp 19:4

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 3:4

Awu ut! Ra a taro rop det in torotoro, a wasiso anun o God i lingmulus ut. Elar nama wasiso torom o God ra di sa tumus tari una Buk Tabu lena, “Anum a wasiso na warkurai i ese i lena u tokodos. Ma ra din takun ui, ka din sio pas tu niraro.” Sng 51:4

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

1 Korin 15:47

A mugano Adam i taginin upiso, ma o God i pami nama piso. A manru na Adam tagisapat una langit.

1 Korin 2:7

A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

Galesia 2:8

O God i pitar tar a dekdek tan o Pita sur in aposel torom a taro Juda, lenkutkai ra torom iau, i pitar tar a dekdek tang sur an aposel torom det ra awu sur a taro Juda.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Epeses 1:9

O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Epeses 6:19

Mot in wararing kai un iau, sur o God in pitar tar a kum wasiso tang sur an watungi, ma gong a ngara ra an upuaso a utna ra numugu i kis eno ma uniri a Wakak na Wasiso i upuaso i.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.

2 Tesalonaika 2:7

A dekdekin a lakai warkurai kuri i sa papam eno nanan una rakrakon bual. Ikut, i ra i turbat tari, in turbati utmakai, tuk una bung ra din rakon ru i.

1 Timoti 3:9

Det in utur ukai a nurnur mulus ma a tokodos na ninunuk.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 7:7

I talapor lena, osi ra i labo in udan o naro ra i natino tano.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.

1 Jon 1:2

A nilaun i sa wanpat puaso, ra met sa tama tari. Ma uniri met wasiso talapor torom mot uni lena, i ra a nilaun tukum. Numugu i kis tomo nam o Tamano, ra uniri i wanpat puaso torom dat.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

Tamtama 17:5

Di tumus tar a risano unin masarino, a utna na pidik lenri, a labino tamon babilon, a nan a kum pamuk na ino ma a kum sakino petutna sakit anun a rakrakon bual.

Tamtama 17:7

Ma a ensel i watungi tang lena, “Ilai ra u kisin? An palos a kukurai ina utna na pidik ina ino, ma a kuabor na wewegua ra i kis taru netes uni, ra a wonom mawit nin lorino ma a noino komino.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.