1 Timoti 3:15 - Nupela Testamen long tokples Kandas

¹⁵ Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

1 Timoti 3:15 Iomraidhean Croise

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Matiu 18:18

“A inanos mot nama lingmulus, asau ra mot kubusi nin upiso, din kubusi kai sapat netes una langit, ma asau ra mot palosi nin upiso, din palosi kai sapat netes una langit.

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 18:37

Numur o Pailat i tingi lena, “I lingmulus ut, ui a king?” O Iesu i balu i lena, “I lingmulus ut ra u watungi lena iau a king. Di usus iau, ra a wanpat nin una rakrakon bual, sur an wasiso una lingmulus. Det rop ra tagun a lingmulus, det longoro in nalngang.”

A Wakak na Wasiso un o Iesu Karisito o Jon i tumusi 6:69

Met sa nurnur ma met tasmani lena ui a Tasur na Musano anun o God.”

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

A Pas anun o Pol torom a taro Rom 3:2

Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

A Pas anun o Pol torom a taro Rom 9:26

Ma o Hosea i watungi kai lena, “Una tamon ra numugu o God i watung tari tandet lena, ‘Mot awu sur anung a taro,’ din watung det ‘a kum nutnutun o God, ra i laun.’” Os 1:10

1 Korin 10:32

Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

2 Korin 3:3

I talapor lena, mot a pas ra o Karisito i tumusi, kibino una numet a pinapam torom mot. Awu sur i tumusi namin nepen, i tumusi ut nama Nion o God ra i laun. Ke tumusi una du wat, i tumusi ut una balan a taro.

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

2 Korin 6:7

Met watung a lingmulus, ma met papam nama dekdekin o God. Met pam ukai a tokodos na petutna, elar nam anumet a utna na inaim una sot na lamamet ma una kair kai.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Epeses 4:21

A tasmani lena di sa ususer tar mot un o Iesu ma mot sa longoro tari, ma mot tasman a lingmulusino ra i kis uni.

Kolosi 1:5

Anumot a nurnur ma a marmaris ri, i kibino una numot a kinkinis langlang tomo nama nurnur sur a utna, ra o God i tamtamabati sur mot sapat una langit. A utna ra, mot sa longoro tar a wasiso uni, una lingmulus na wasiso, i a Wakak na Wasiso,

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Timoti 3:14

A nem na wanpat lakit torom ui, ikut a nuki lena, in wakak ra an tumtumus mugu torom ui.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

1 Timoti 3:5

A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

1 Timoti 6:16

I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.

2 Timoti 2:19

Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

2 Timoti 2:20

Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum dur na utna kut.

Ibru 10:21

O Iesu anundat a labino tene etabor torom o God ra i tamtamabat a taro anun o God.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?

Tamtama 7:2

A tama pas ara ensel bulung i wanpat tagun a matmatano tobar, i pam pas a ukinalong anun o God, ra i laun. I kakabo namin labino walngano torom a wat na ensel ra di sa pitar tar a dekdek tandet sur det in ban laulau a bual ma a tasi.