1 Timoti 2:4 - Nupela Testamen long tokples Kandas

⁴ I nemi sur in ulaun a taro rop, ma det in tasman a lingmulusino.

1 Timoti 2:4 Iomraidhean Croise

Matiu 28:19

I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

A Wakak na Wasiso un o Iesu Karisito o Mak i tumusi 16:15

Ma i watungi tandet lena, “Mot in nan una rakrakon bual rop, ma mot in warawai nama Wakak na Wasiso torom a taro rop.

Luk 1:77

sur din utalapor anun a taro lena o God in ulaun pas det, una nun a pinapam ra in unus ru anundet a kum sakino petutna,

Luk 14:23

A labino i watungi tan a tultul lena, ‘Un nan sur a kum tartarai na kisapi ma a kum natnat na kisapi sa ubual, ma un ungongos pas a taro sur det in ruk, sur anung a rumu in bukus wakak.

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 17:17

Anum a kum wasiso i lingmulus. Un utalapor det nam anum a lingmulus na wasiso, sur det anum a taro mulus.

A Wakak na Wasiso un o Iesu Karisito o Jon i tumusi 6:37

Det rop ra o Tita i pitar tar det tang, det in nan torom iau, ma osi ra in nan torom iau kan lu ru i.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

2 Timoti 3:7

A wardain ri det ser etowo a kum bung rop, ikut ka det tasman lar pas a lingmulusino.

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

Taitus 2:11

Uni a marmaris anun o God i sa wanpat puaso. Una marmaris ra, o God i papos a kisapi sur in ulaun pas a taro rop.

Ibru 10:26

Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.

Jems 3:14

Ikut, ra mot nuknuk laulau sur tu utna anun taio, ma mot nuknuk sur tu kisapi sur mot in ulabo pas mot nami, gong mot watung ulabo pas mot uni, ma gong mot toro bat pas a lingmulusino.

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.

2 Jon 1:1

Iau o Jon, ara mugumugu, a tumtumus torom ui, a ino ra o God i sa pilok pas ui, tomo nama kum nutnutum, ra a nem mulus mot. Awu sur iau kut, met rop kai ra met tasman a lingmulusino met nem mot.

Tamtama 14:6

Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.