1 Timoti 1:9 - Nupela Testamen long tokples Kandas

⁹ Dat tasmani lena, a Warkurai awu sur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det mur a petutna ra i wakak umatan o God, a kum tene sakino, det ra det dur umatan o God, det ra ka det ser ru o God, det ra det um doko a taro, det ra det um doko a kum tamtaman det o a kum nanan det,

1 Timoti 1:9 Iomraidhean Croise

Matiu 10:21

“Taio in mulaot ru tu tisino sur din um doko i, ma tu musano in mulaot ru tu nutunu sur din um doko i. Ma a kum nat det in tur na inaim torom a tamandet ma a nandet ma det in mulaot ru a tamandet ma a nandet sur din um doko der.

A Pas anun o Pol torom a taro Rom 1:30

det emang, det nget o God, det waim, det uman labino, ma det warango pas det. Det nuknuk sur a kum matok na kisapi, sur a pam sakino. Det pitarngat torom a kum tamandet, ma a kum nandet.

A Pas anun o Pol torom a taro Rom 4:13

O God i uliliman tar o Abaram sur in pitar tar a rakrakon bual tano ma torom a kum tumtubunu kai. A liliman ri, o God i pam tari torom o Abaram awu sur i kibino ra i mur a kum Warkurai, awu. I kibino uni i nurnur, ra o God i watungi lena i tokodos umatano.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

Galesia 3:19

Sur asau ra o God i pitar a kum Warkurai? I pitari sur a taro det in tama lele anundet a kum sakino petutna. Di mur a kum Warkurai tuk a nutun o Abaram i wanpat, i ra o God i uliliman taru nami, o Karisito. Ra o God i pitar a kum Warkurai, i tulu ru a kum ensel nami torom o Moses, i ra i tur epotor tan a taro ma o God, sur o Moses in pitari torom det.

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.

Galesia 5:21

a nuknuk laulau sur a utna anun taio, a ininum, a kukuk tuptupukus nama kum longlong na petutna, ma lako kum sakino utna utkai lenra. A sa utumarong mugu tar mot munung, ma uniri a utumarong mot melet lena, a taro ra det ser pam a kum petutna ri, ka det in ruk una matanitu anun o God.

Galesia 5:23

a petutna na urur, a petutna ra taio i tamtamabat wakak anun a nilaun. Katu warkurai in turbat a kum petutna ri.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

1 Timoti 4:7

Un nan gisen gusun a kum saksakutna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

2 Timoti 2:16

Un nan gisen gusun a kum wasiso ra ke sot nama nemnem anun o God, uni a taro ra det balon una ngas na wasiso lenra, det in nan bakbak ma det in bakbak doko gusun o God.

2 Timoti 3:2

A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God.

Taitus 1:10

Un pilok pas lako kum mugumugu na lotu, uni a susut na taro a kum tene pitarngat. Det ser wasiso una kum utna oros kut, ma det ben raro a nuknukin a taro. Ara taro tandet ra an utumarong ui un det, det ra det watungi lena, din tok talilis a pinin a taro ra awu sur a taro Juda.

Taitus 1:16

Det watungi lena, det tasman o God, ikut anundet a kum pinapam ut i upuaso i lena, ka det tasmani. Det a kum sakino taro doko, a kum tene pitarngat, ma ka det in pam lar pas tu wakak na pinapam.

Taitus 1:6

Ra un pipilok, un pilok pas taio ra katu etakun kura uni, i nolin kut nam ara ino, ma a kum nutnutunu det a kum tene nurnur, ma katu wasiso i los det un tu petutna, ma ka det ser pitarngat.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

Ibru 11:31

Una nun a nurnur, o Reap, a pamuk na ino ke iru tomo nama taro Jeriko ra det pitarngat torom o God, uni i gas pas aru tene tamtama eno anun a taro Israel.

Ibru 12:16

Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut.

1 Pita 2:7

Torom mot ra mot nurnur, a wat ra i wakak, ikut torom det ra ka det nurnur, “A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.” Sng 118:22

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

1 Pita 4:18

A Buk Tabu i watungi lenri, “In ngangitin ut torom a tokodos na taro sur din ulaun pas det. Ra in pepetlai torom a kum sakino taro ma det ra det rosumur gusun o God?” Snd 11:31

A Pas anun o Jud 1:15

sur in warkurai a taro rop. Ma det rop ra ka det mur a nemnem anun o God, det in iru una warkurai, una nundet a kum sakino pinapam ra det sa pam tari, ma una kum laulau na wasiso ra a sakino taro det sa watung tatari una Labino.”

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.