1 Timoti 1:17 - Nupela Testamen long tokples Kandas

¹⁷ Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Timoti 1:17 Iomraidhean Croise

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Jon i tumusi 1:18

Kataio utmakai i tama tar o God. Ikut ara Nutunu kut, ra i kis tomo nam o Tamano, i ut i ese o God torom dat. Ma i ut o God.

A Wakak na Wasiso un o Iesu Karisito o Jon i tumusi 5:44

“Mot, mot nemi sur a taro det in ulabo pas mot, ikut a wasiso na ululabo anun o God, i ra ara God sot kut, ka mot tiktikin wakak suri. I mo ra ka mot nurnur un iau.

A Pas anun o Pol torom a taro Rom 1:20

Turpasi una ukukis ina rakrakon bual, a taro det tama a kum ukukis. I mo ra det pet lar pasi sur det in tasman a kum magiran o God, a kum magiran o God, ra ka din tama i. Det tasmani lena, a dekdekino in tur tukum, ma i o God. I mo ra katu kisapi sur det in ipul ru i.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

A Pas anun o Pol torom a taro Rom 11:36

Uni i ut i ukis a kum utna rop, ma i ut i kibin a kum utna rop, ma anunu ut a kum utna rop. Dat in watung ulabo pas o God, ken rop ma ken rop. Amen.

A Pas anun o Pol torom a taro Rom 16:27

Dat in watung ulabo pas o God, i ra ara God kut, ra a tene mananos. Dat in watung ulabo pasi kibino un o Iesu Karisito, uniri ma numur ma ken rop. Amen.

A Pas anun o Pol torom a taro Rom 2:10

Ikut, torom det rop ra det pam a wakakino, o God in pitar a minamar torom det, ma in ulabo pas a risandet, ma in pitar tar a malmal torom det. Torom a taro Juda mugu, ra numur torom a taro gisen kai.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

Kolosi 1:15

O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

Ibru 2:7

U sa ukis tar met sur met in kis utuntudu ina kum ensel, a nat na du bung kut. U ukukup tar met nama minamar ma a urur,

1 Pita 5:11

Anunu kut a dekdek ma ken rop. Amen.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 19:1

Numur tan a kum utna ri, a longoro a labino ugaia elar nama walngan ara labino kunur na taro sapat netes una langit, det kukukuk lena, “Aleluia! Anundat a God i sa ulaun pas dat, ma a minamar ma a dekdek anunu kut,

Tamtama 19:16

Ma una nun in namalu ma una balangot na kikino di sa tumus tar a risano lenri, a king anun a kum king ma a labino anun a kum lamlabino.

Tamtama 19:6

Ma a longoro a ugaia ra i elar nama walngan ara labino kunur na taro, a wungu ina danim, ra i noro, ma a pungpugur, i kukukuk lena, “Aleluia! Uni anundat a Labino o God, ra i dekdek sakit, i kis na king.

Tamtama 7:12

det watungi lena, “Amen! Din watung ulabo pas anundat a God, din watung wakak toromi, ma din ru i. I utur ukai a minamar, a mananos, ma a dekdek, ken rop, ma ken rop. Amen!”