1 Timoti 1:15 - Nupela Testamen long tokples Kandas

¹⁵ I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop.

1 Timoti 1:15 Iomraidhean Croise

Matiu 1:21

In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Matiu 9:13

Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Os 6:6 Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

A Wakak na Wasiso un o Iesu Karisito o Mak i tumusi 2:17

O Iesu i longoro i, ra i watungi lena, “A dokta ke wanpat sur det ra det langolango. Awu! I wanpat sur det kut ra det misait. Ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

Luk 15:2

Ikut a kum Parisi ma a kum tene ususer tagun a Warkurai det ururai un o Iesu lena, “A musano ri, i lason kut tomo nama kum tene sakino, ma i wangon tomo nam det.”

Luk 19:10

Uni a Nutun a Musano i wanpat sur in sisio sur det ra det raro ma in ulaun pas det.”

Luk 5:32

Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”

A Wakak na Wasiso un o Iesu Karisito o Jon i tumusi 1:12

Ikut, torom det ra det gas pasi, ma det nurnur una risano, i mulaot pas det sur det a kum nutnutun o God.

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 12:47

Ra taio i longoro anung a kum wasiso ma ke muri, iau kan warkurai i. Uni ka wanpat sur an warkurai a rakrakon bual, a wanpat kut sur an ulauni.

A Wakak na Wasiso un o Iesu Karisito o Jon i tumusi 3:36

Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”

Aposel 11:1

A kum aposel ma det ra det tar tistisino una nurnur ra det kis tiro o Judia, det longoro i lena a taro kai ra awu sur a taro Juda det sa nurnur una wasiso anun o God.

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 3:26

O God i tulu ru anun a Tultul, i tulu mugu ru i torom mot a taro Juda, sur in ben pukus pas mot taktakai gusun anumot a kum sakino petutna, sur mot in dan.”

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 5:6

Numugu ka dat mur a petutna ra i wakak umatan o God, ra ka dat pet sot pas tu utna. Ikut ra a du bung i sot, o Karisito i mat sur dat.

1 Korin 15:9

Uni iau, a natino sakit taun a kum aposel rop, ma ka wakak sur din watung iau ara aposel, uni a ser ban laulau a taro na lotu anun o God.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

1 Timoti 1:13

Numugu a ser watung laulau o Iesu, a ban laulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai.

1 Timoti 1:19

Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus regerege ru i.

1 Timoti 3:1

A wasiso ri i lingmulus sakit, lenri: Ra taio i nemi sur in mugumugu na lotu, i nem a wakak na pinapam sakit.

1 Timoti 4:9

A wasiso ri a watungi, i lingmulus sakit, i wakak sur dat in nurnur uni ma dat in muri.

1 Timoti 6:13

A inanos ui umatan o God, i ra i pitar a nilaun torom a kum utna rop, ma umatan o Karisito Iesu i ra i wasiso talapor uni ut umatan o Pontias Pailat. A inanos ui lenri:

2 Timoti 2:11

A wasiso ri an watungi tam, i lingmulus sakit: Ra dat in mat tomo nam o Karisito Iesu, dat in laun tomo kai nami.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

1 Jon 5:11

Anun a wasiso talapor i lenri: O God i sa pitar tar a nilaun tukum torom dat, ma a nilaun ra, kura un o Nutunu.

Tamtama 21:5

Ma o naro ra i kis una kiskis na king i watungi lena, “Tama i, uniri a umatok a kum utna rop!” Ma i watungi kai lena, “Un tumus ukai a kum wasiso ri, uni a kum wasiso ri det lingmulus ma i topasi sur din nurnur uni.”

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.