1 Timoti 1:10 - Nupela Testamen long tokples Kandas

¹⁰ det ra det pam a sakino nam tu ino anun taio o nam tu musano anun taio, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God.

1 Timoti 1:10 Iomraidhean Croise

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Pas anun o Pol torom a taro Rom 1:26

I mo ra, o God i madek tar det una nundet a labino nemnem sur a kum sakino petutna na maimai. I lenri: A wardain det keles ru a kisapi na nolin, ra di sa ukis tari, ma det ser inep etetalai nam det melet ut.

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

1 Timoti 6:3

Ra taio in ususer a taro nam tu se etowo, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God,

2 Timoti 1:13

A tokodos na etowo ra a sa ususer tar ui nami, i elar nama wakak na malalar sur un muri. Un muri tomo nama nurnur ma a marmaris. A nurnur ma a marmaris anundat, ra kura dat un o Karisito Iesu.

2 Timoti 4:3

Uni, a bung in nanpat, ra a taro ka det in nemi mo a tokodos na etowo. Ma una nundet a kum nemnem, det in ben tomo a susut na tene ususer torom det, sur det in ususer det un asau ra det nem na longoro i.

Taitus 1:13

A wasiso ri un det i lingmulus ut. I mo ra un wasiso dekdek torom det una nundet a kum niraro, sur det in pam ukai a tokodos na nurnur,

Taitus 1:9

In pam ukai a lingmulus na wasiso ra di sa ususer tari nami, sur in uragot a taro una tokodos na etowo, ma in watung puaso a niraro anundet ra det turbat a Wakak na Wasiso.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 18:13

ma a ramano kum utna i sangnain wakak, ma aru utna kai ra der sangnain wakak ra di watung der nama kinamon, ma a mira, ma a paura di tuni ra a misino i sangnain wakak ra di watungi nama insens, ma a wain, a wel na oliw, a palawa ma a wit, ma a kum bulumakau ma a kum sipsip, a kum os ma a kum karis, ma a kum tene ititula, det a kum mulusino ut.

Tamtama 21:27

Katu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.