1 Korin 12:18 - Nupela Testamen long tokples Kandas

¹⁸ Ikut o God i sa tugus tomo tar a kum du pinindat rop taktakai, elar ut nama nun a nemnem.

1 Korin 12:18 Iomraidhean Croise

Luk 10:21

Una du bung ra, o Iesu i bukus nama gasgas tan a Tokodos na Nion ma i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik. A lingmulus, Tita, uni anum a nemnem i lenutra.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

A Pas anun o Pol torom a taro Rom 12:6

Una marmaris anun o God i pitar tar a kum se etabor torom dat. Osi ra i pitar tar a etabor na wasiso na poropet toromi, i wakak sur in papam nami, elar nam anun a nurnur.

1 Korin 12:11

Ara Nion sot kut ra i pam a kum pinapam rop ri. Ma una nun a nemnem ut, i tabor arara taktakai.

1 Korin 12:17

Ra a kudulano pinino in matano rop kut, in longoro mo pepetlai? Ra a kudulano pinino in talngano rop kut, in sasangop mo pepetlai?

1 Korin 12:19

Ra a kum du pinindat rop det elar kut, in kudulano mo pepetlai?

1 Korin 12:24

Ikut, a kum du pinindat ra det tamtama wakak, ka det sibo sur tu utna. O God i sa tugus tomo tar a kum du pinindat, ma a kum du pinindat ra dat nuki lena ka det wakak det wakak ut.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 15:38

Ra in lubung, in nanpat ut in ngas na duwai elar nama nemnem anun o God. Tekteken ngas na pitino duwai in lubung pat in nanai ino ut, ken lubung pat tin ngas na duwai gisen.

1 Korin 3:5

Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

Epeses 1:5

Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri.

Epeses 1:9

O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”