1 Jon 2:1 - Nupela Testamen long tokples Kandas

¹ A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

1 Jon 2:1 Iomraidhean Croise

Luk 10:22

“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.”

A Wakak na Wasiso un o Iesu Karisito o Jon i tumusi 10:15

elar nam o Tita i tasman iau, ma a tasman o Tita, ma a pitar anung a nilaun sur an mat bat det.

A Wakak na Wasiso un o Iesu Karisito o Jon i tumusi 13:33

“A kum paspasang, uniri kan kis suano i mo torom mot. Mot in sisio sur iau. Ikut, a wasiso ra a sa watung tari tan a kum te Juda, uniri an watungi bulung tamot lena, ‘A tamon ra an nan suri, ka mot in nan lar pas iai.’

A Wakak na Wasiso un o Iesu Karisito o Jon i tumusi 14:16

Ma an saring o Tita, ra in tulu ru ara Tene Warut bulung torom mot, sur in kis tukum torom mot.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 21:5

Ra o Iesu i kakabo torom det lena, “A kum nat, mot dat pas lako kiripo ut?” Det ipul kut lena, “Awu.”

A Wakak na Wasiso un o Iesu Karisito o Jon i tumusi 5:14

Numur ut, o Iesu i barato pas a musano ra una rumu na etabor. I watungi tano lena, “Tama i, uniri u sa langolango. Gong melet mo u pam tu sakino, sako numur tu laulau na utna sakit in nanpat un ui.”

A Wakak na Wasiso un o Iesu Karisito o Jon i tumusi 5:36

“Ikut an inanos mot una wasiso talapor un iau, ra i labo taun a wasiso talapor anun o Jon un iau. A kum pinapam ra a ser pami, det wasiso talapor un iau lena, o Tita i tulu ru iau urin. O Tita i pitar tar a kum pinapam ra tang, sur an pami.

A Wakak na Wasiso un o Iesu Karisito o Jon i tumusi 6:27

Gong mot papam kut sur a utna na inangon ra i ser mereseng. Mot in papam sur a utna ra in kis tukum sur a nilaun kura numur, ra a Nutun a Musano in tabor mot nami. Uni o Tamano, o God i sa ese tari lena i mulaot un asau ra a Nutun a Musano i pami.”

A Wakak na Wasiso un o Iesu Karisito o Jon i tumusi 8:11

A ino i balu i lena, “Awu. Kataio.” Ra o Iesu i watungi tano lena, “Iau kai kan takun ui. Un nan kut, ma gong melet mo u pam a sakino.”]

Aposel 7:52

A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 8:34

Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Galesia 4:19

A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito.

Epeses 2:18

O Karisito i papos a kisapi anundat rop torom a Tamandat, un ara Tokodos na Nion kut.

Epeses 4:26

Ra mot kankan, gong mot pam a sakino. Ma gong in matanas i sup ra anumot a kankan kura utmakai,

1 Timoti 2:5

Uni ara God sot kut, ma ara sot kut kai ra i dat tomo o God ma a taro, a musano ri o Karisito Iesu,

1 Timoti 3:14

A nem na wanpat lakit torom ui, ikut a nuki lena, in wakak ra an tumtumus mugu torom ui.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

Jems 1:27

Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

Jems 3:9

Dat watung ulabo pas a Labino a Tamandat namin karmendat, ma dat watung laulau i kai a taro nami, det ra o God i ukis tar det elar nama malalarino.

1 Pita 2:22

“Ke pam tar tu sakino petutna, ma ke watung tar tu torotoro na wasiso.” Ais 53:9

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 3:18

A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.

1 Jon 5:17

A kum petutna rop ra ke tokodos, a kum sakino petutna. Ikut a ramano kum sakino petutna ke wan sur a minat.

1 Jon 5:21

A kum nutnutung liklik, mot in tamtamabat mot gusun a kum torotoro na god.

3 Jon 1:4

Ra a longoro i lena a kum nutnutung, anundet a nilaun i mur a lingmulusino, a gas doko, ma katu utna melet mo ra in ulabo anung a gasgas.