1 Jon 1:2 - Nupela Testamen long tokples Kandas

² A nilaun i sa wanpat puaso, ra met sa tama tari. Ma uniri met wasiso talapor torom mot uni lena, i ra a nilaun tukum. Numugu i kis tomo nam o Tamano, ra uniri i wanpat puaso torom dat.

1 Jon 1:2 Iomraidhean Croise

A Wakak na Wasiso un o Iesu Karisito o Jon i tumusi 1:18

Kataio utmakai i tama tar o God. Ikut ara Nutunu kut, ra i kis tomo nam o Tamano, i ut i ese o God torom dat. Ma i ut o God.

A Wakak na Wasiso un o Iesu Karisito o Jon i tumusi 1:4

A nilaun i kis uni, ma a nilaun ra, i a talapor anun a taro rop.

A Wakak na Wasiso un o Iesu Karisito o Jon i tumusi 10:28

Ma a pitar a nilaun tukum tandet, ma ka det in iru. Ma kataio in ras ru det gusun a lamang.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 15:27

Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.

A Wakak na Wasiso un o Iesu Karisito o Jon i tumusi 16:28

A wan tagisapat tan o Tita, ra a wan urin una rakrakon bual. Uniri, an nan mo gusun a rakrakon bual, ma an milet melet torom o Tita.”

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Wakak na Wasiso un o Iesu Karisito o Jon i tumusi 19:35

A musano ra i tama a kum utna ri, i wasiso uni sur mot kai mot in nurnur. A utna ri i wasiso uni, i lingmulus, ma i ut i tasmani lena i lingmulus.

A Wakak na Wasiso un o Iesu Karisito o Jon i tumusi 21:14

Iri a mantul na dino ra o Iesu i wanpat torom anun a kum nat na ususer, numur tan anun a katkatutur melet gusun a minat.

A Wakak na Wasiso un o Iesu Karisito o Jon i tumusi 3:13

Kataio i wan pas utmakai usapat netes una langit, a Nutun a Musano sot kut ra i wan pirso tagisapat netes una langit.

A Wakak na Wasiso un o Iesu Karisito o Jon i tumusi 7:29

Ikut iau, a tasmani, uni a wan ut tagisapat tano, ma i ut i tulu ru iau.”

A Wakak na Wasiso un o Iesu Karisito o Jon i tumusi 8:38

A wasiso un asau ra a tama i tan o Tita, ma mot kai, mot pam asau ra mot longoro i tan a tamamot.”

Aposel 10:41

Awu sur torom a taro rop, torom det kut ra o God i sa pilok mugu tar det sur det in tama i ma det in wasiso puaso uni. Met a taro ra, met wangon ma met inum tomo nami numur tan a katkatutur anunu gusun a minat.

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 5:32

Met tama a kum utna ri ma met wasiso uni, ma a Tokodos na Nion i ulingmulus anumet a wasiso. A Tokodos na Nion, i a etabor anun o God torom det ra det ser mur anun a wasiso.”

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

2 Timoti 1:10

Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

1 Jon 1:1

Met wasiso talapor un o naro ra i a Wasiso na nilaun, i laun tagun numugu ut, ra kabaut di ukis a rakrakon bual. Met sa longoro tari, met sa tama tari nama matmata met, ma met sa pam tari ut a pinino.

1 Jon 2:25

Ma asau ra i uliliman tari sur in pitari tandat, i a nilaun tukum.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

1 Jon 4:2

Mot in tasman lele a Nion o God lenri: Det ra det watungi lena o Iesu Karisito i wanpat a musano mulus, det tagun o God.

1 Jon 5:11

Anun a wasiso talapor i lenri: O God i sa pitar tar a nilaun tukum torom dat, ma a nilaun ra, kura un o Nutunu.

1 Jon 5:13

A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.