Os 9:1 - Kaqchiquel Bible

¹ Rix aj-Israel man kixkikot, man kixtzopiyaj roma kikoten achi'el nikiben ch'aqa' chik tinamit. Rix xa kan ix makuwineq chuqa', xa kan xich'er kan iwi' chire ri qa-Dios. Xa kan xqa' k'a chiwech ri rutojbalil ri itzel taq ibanobal ri xiben ri akuchi nich'ay-wi ri trigo.

Os 9:1 Iomraidhean Croise

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Wuj Richin ri Isaías 17:11

Chupan k'a ri q'ij toq rix niben-qa ri itiko'n, kan nichajij. Niben chire chi ri jun chik q'ij nik'iy-pe. Man rik'in ri' ri iqejoj ri' man jun xtuq'ajuj, roma xtipe itzel yabil chiwij, y kan man jun chik raq'omal. Ri winaqi' israelita nikibixaj:

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri K'uxla'anik 4:21

Wakami kixkikot rix winaqi' aj-Edom. Kixnimaq'ijun k'a rix ri ixk'o pa ruwach'ulew Us, roma xa kan xtapon na k'a ri iq'ij. Xtiqaqa k'a ri ruk'ayewal pan iwi' rix, y xkixbiyin k'a achi'el nuben jun q'abarel. Y ri e etzelanel iwichin xtikelesaj k'a ri itziaq richin niya' ik'ix.

Ez 16:15

Jak'a roma kan at jebejoj ok y eleneq atzijol, kan xakuquba' ak'u'x rik'in ri' y xachop rubanik itzel k'aslen y kan xajech-awi' chike konojel ri xeq'ax-el chi'anaqaj.

Ez 16:30

Roma ronojel re', yin Jehová ninbij chi rat kan janila yawa' ri awánima, roma naben itzel taq banobel achi'el nuben jun ixoq itzel ruk'aslen, ri kan man jun k'ix chuwech.

Ez 20:32

Xa kan k'o chik pan iwi' richin niben achi'el nikiben ri ch'aqa' chik ruwach'ulew ri nikiya' kiq'ij ri che' y ri abej. Re' man jun bey chik xtik'uluwachitej.

Ez 21:10

Xban yan k'a rey richin nibekusex richin nibekamisan Kan xjosq'ix yan k'a jebel, y kan achi'el koyopa' ri xtuben. Y kan ya'on chik richin nikamisan.*f5*

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 2:12

Xtinben k'a chi xkechoy ronojel ri juwi-uva y ri ruche'el wíkix, ri achoq pa ruwi' xubij-wi chi kan jari' ri ruch'akoj kik'in ri achi'a' ri xe'ajowan richin. Ronojel ri ulew richin tiko'n kan xtinben k'a chire chi xtok kan jun soq'olbel; chiri' k'a xkewa-wi ri chikopi' ri e richin pa juyu'.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

Os 5:7

Kan xemakun k'a chinuwech roma ek'o alk'ualaxela' kik'in ri xa jun chik kitata'. Roma ri' pa jun ik' xkebek'is konojel, rije' y ri kiruwach'ulew.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Am 4:5

Tik'ama' k'a pe kaxlan-wey ri k'o ch'amilej q'or rik'in, y tik'ata' chinuwech yin richin jun sipanik richin matioxinik. Titzijoj k'a chi xiya' yan ri isipanik ri nalex-pe pa taq iwánima. Kan tinimirisaj k'a iwi' rix israelita, roma jari' ri niwajo' ri niben. Yin Jehová ri yibin.

Am 6:13

Rix xa xinimirisaj-iwi' toq xe'ich'ek ri tinamit Lodebar y nibij: Man ja ta k'a roj xojch'akon kichin ri tinamit Carnáin.*f1*

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Santiago 4:16

Jak'a rix xa man keri' ta nibij. Xa kan nibij chi niben ri nich'ob, y man nich'utinirisaj ta iwi' chuwech ri Dios. Y ri banobel ri' kan itzel chuwech rija'.

Santiago 5:1

Wakami k'o jun ninwajo' ninbij chiwe rix beyoma'. Ninbij k'a chiwe chi ruk'amon chi yixoq', kixsik'in chi oq'ej, roma janila tijoj-poqonal ri xtipe pan iwi'.