Os 8:7 - Kaqchiquel Bible

⁷ Ri israelita xkitik k'a kaq'iq'; xtikiwachij k'a surkum. Man jun k'a ruwech tiko'n xtikik'ol chire ri ruwi' trigo, kan man xtiban ta k'a k'ej; y wi ta xtiban ri k'ej, xa winaqi' e aj juk'an chik xketijo-el.

Os 8:7 Iomraidhean Croise

Wuj Richin ri Rutikeribel 41:23

Xeri' xintz'et chi ek'o wuqu' chik ruwi' trigo ri xebek'iy-pe, ri e chaqi'j-chaqi'j yetzu'un, taq e kokoj ok kipan y e k'atineq roma ri kaq'iq' ri nipe ri pa relebel-q'ij.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Wuj Richin ri Achin Job 4:8

Roma ri nutz'eton chupan ri nuk'aslen yin, chi ja ri yetiko etzelal y ri yetiko oyowal, jari' ri nibanon chike chi k'o nikik'uluwachij.

Wuj Richin Etamabel-Tzij 22:8

Ri wineq ri nutik etzelal, kan etzelal chuqa' ri xtuk'ul ri chuwech-apo; y kan achi'el ri rukowil ronojel ri ch'abel ri yerubij, kan keri' chuqa' ri xtiqaqa pa ruwi' rija'.

Wuj Richin ri Molojri'il 5:16

Y re' xa kan janila k'ayew, roma xa kan achi'el toq xpe chuwech re ruwach'ulew, xa kan keri' chik xtitzolin. Xa choj k'a keri' xsamej, y xa man jun xuk'en-pe chire.

Wuj Richin ri Isaías 17:11

Chupan k'a ri q'ij toq rix niben-qa ri itiko'n, kan nichajij. Niben chire chi ri jun chik q'ij nik'iy-pe. Man rik'in ri' ri iqejoj ri' man jun xtuq'ajuj, roma xtipe itzel yabil chiwij, y kan man jun chik raq'omal. Ri winaqi' israelita nikibixaj:

Wuj Richin ri Isaías 55:2

¿Achike roma nisech ri iméro chuwech ri xa man tijel ta? ¿Achike roma nisech ri rajel ri isamaj chuwech ri xa man jun nuk'en-pe chiwe? Wi rix kan xtinimaj nutzij, kan k'iy k'a ri xtitej ri janila jebel.

Wuj Richin ri Isaías 66:15

Roma xkinapon pa runik'ajal jun surkum, rik'in nu-carruaje ri banon rik'in q'aq' richin ninwelesaj woyowal. Y xtinya' rutojbalil-mak pa kiwi' ri e etzelanel wichin.

Wuj Richin ri Jeremías 12:13

Rije' xtikitik-qa trigo y xa ruyon k'ix ri xtel-pe. Ronojel ri kisamaj xa man jun xuq'ajuj-wi. Kan xek'ixbitej roma ri kitiko'n roma yin kan yakatajineq woyowal chikij.

Wuj Richin ri K'uxla'anik 5:2

Ri ulew ri qichinan kan, wakami xa xok kan kichin ch'aqa' chik winaqi'. Ri qachoch, xa winaqi' aj juk'an chik ri xek'oje' kan chupan.

Os 2:9

Roma ri' xtapon k'a ri q'ij chi yin kan xtinwelesaj k'a ri trigo y ri vino chire. Xtinwelesaj k'a chire ri rutziaq ri banon rik'in lana y lino, ri tzieq ri achoq ik'in rukuchun-wi-ri'.

Os 7:9

Ri kuchuq'a' xa xkik'is-el ri e aj juk'an chik ruwach'ulew. Rije' kan man xkinabej ta k'a chi keri' xban chike, chuqa' xsaqir yan ri rusumal-kiwi', jak'a xa man xkinabej ta.

Os 9:16

Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Wuj Richin ri Hageo 1:6

Rix xixtikonej-qa, jak'a xa juba' ok ri xik'ol. Yixwa', jak'a man ninoj ta ri ipan. Yixqumun, jak'a man nik'o ta qa ri chaqi'j-ichi'. Nikusaj itziaq pim, jak'a man yixmeq'e' ta chupan. Y ri nuk'ul rajel chiq'ij, achi'el xa nuk'ul pa jun peqes ri xa teq'el.

Gálatas 6:7

Man k'a tiq'ol-iwi', roma chuwech ri Dios man jun ewatel. Kan achi'el k'a ri tiko'n ri niben-qa, kan jari' chuqa' ri niberuya-pe chiwe.

Gálatas 6:8

Roma wi xa ja ri nirayij rix ri ye'ibanala', xa xtiwachij k'a ruk'ayewal chupan ri ik'aslen. Jak'a wi nik'uaj ri k'aslen ri nrajo' ri Loq'olej Espíritu, xtiwachij k'a ri k'aslen ri man jun bey xtik'is.

Deut 28:33

Ronojel ri itiko'n ri kan ja rix ix samajiyon-qa xketij koma ri winaqi' ri man jun bey iwetaman ta kiwech, y kan jantape' xtiban chiwe richin xtitej poqon.