Os 8:2 - Kaqchiquel Bible

² K'ari' xkesik'in ri israelita wik'in y xtikibij: Qa-Dios roj, roj kan oj atinamit rat, xkecha'.

Os 8:2 Iomraidhean Croise

2 Rey 10:16

Y ri Jehú xubij chire: Wakami yabe wik'in richin xtatz'et chi yin rik'in ronojel wánima ninwajo' ri Jehová, xcha'. Y keri' junan k'a xebe chupan ri ru-carruaje.

2 Rey 10:29

Man rik'in ri', ri Jehú man xuch'er ta kan ri' chire ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun roma k'a xeruya' na kan ri ka'i' nima-alaj achij wákix ri banon rik'in q'anapueq ri ek'o chiri' pa tinamit Betel y pa Dan.

Wuj Richin ri Jeremías 7:4

Man nikuquba' ik'u'x rik'in ri tz'ukun-tzij ri nikibij: Jare' ri rachoch ri Jehová, jare' ri rachoch ri Jehová, yecha'.

Os 5:15

Xkitzolej k'a y xkibe akuchi ink'o-wi. Xkik'oje' chiri' k'a toq xtitzolej-pe kik'u'x chire ri kimak. K'a toq ri winaqi' xtikiya' chik wejqalen yin. Chupan k'a ri tijoj-poqonal xkinkikanoj, xcha' ri Jehová.

Os 8:3

Ri tinamit Israel xa man xrajo' ta k'a ri utz, roma ri' kan ja ri e etzelanel richin ri xketzeqeliben richin.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

San Mateo 25:11

Y jari' k'a toq xe'apon ri wo'o' chik xtani' ri xebe kan chuloq'ik aceite, y xech'on k'a apo chire ri rajaw ri k'ulubik ri' y xkibila': Tajaqa' ri ruchi-jay chiqawech, xecha'.

San Mateo 7:21

Man konojel ta k'a ri winaqi' ri yebin chuwe ¡Wajaw! ¡Wajaw! ri xke'ok chupan ri aj-chikajil ajawaren. Roma xa kan xaxe ri winaqi', ri rik'in ronojel kánima nikiben ri rurayibel ri nata' ri k'o chila' chikaj, ri xke'ok chupan ri ajawaren ri'.

San Lucas 13:25

Roma toq ri rajaw jay xtiyakatej-pe y xtorutz'apej kan ri okibel ri', rix ri man jani ix okineq-apo rik'in, xkixoyon k'a apo y xtibij: Qajaw, qajaw, tajaqa' ri ruchi-jay chiqawech, xkixcha'. Jak'a rija' xtubij-pe chiwe: Man wetaman ta akuchi kixpe-wi, xticha'.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

1 Juan 2:4

Jak'a wi k'o jun xtibin chi retaman ruwech ri Dios, y xa man nutaqej ta ri rupixa', rija' xa man qitzij ta ri nubij, y ri qitzij xa man k'o ta pa ránima.