Os 8:14 - Kaqchiquel Bible

¹⁴ Ri aj-Israel xa xkimestaj k'a ri banayon kichin, kan xkipabala' k'a q'anej jay kichin q'atbel-tzij. Ri aj-Judá xekiyakala' k'a q'anej tinamit ri sutin-kij chi tz'aq. Jak'a yin kan xtinya' k'a ruq'aq'al ri kitinamit y kan xkeruk'is k'a q'aq' ronojel ri jay ri xekipabala-q'anej, ncha' ri Dios.

Os 8:14 Iomraidhean Croise

1 Rey 12:31

Xeruben k'a q'anej rachoch akuchi yekiya-wi kiq'ij ri ki-dios pa ruwi' taq juyu', y man jun bey xe'ukusex ri e rijatzul kan ri Leví richin sacerdote.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

2 Rey 18:13

Chirij ri', chupan k'a ri juna' kajlajuj chire ri q'atbel-tzij richin ri Ezequías, ri Senaquerib rey richin Asiria y ri aj-labal xekichop k'a chi oyowal ri ruwach'ulew Judá, y xekich'ek konojel tinamit ri e tz'apen-kij chi tz'aq.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

2 Crón 27:4

Chuqa' xerupaba-q'anej tinamit chuwa taq juyu' richin Judá, y xeruben-q'anej jay e tz'apen chi tz'aq y xeruben chuqa' jay kichin ri chajinela' pa ruwi' ri tz'aq, pa taq k'echelaj.

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

Wuj Richin ri Isaías 17:10

Kan xinimestaj yin ri xikolon iwichin, y kan man xoqaqa ta chi'ik'u'x chi ja yin ri itobal. Jak'a pa ruk'exel, rix nitik k'a ruwech ri qejoj ri kan jebel niwachin, richin niya' kiq'ij ri ch'aqa' chik dios.

Wuj Richin ri Isaías 29:23

Roma toq xtitz'et ronojel samaj ri nubanon yin richin ninimirisaj ri iwajawaren, kan xtiya' nuq'ij nuk'ojlen. Rix xtiwetamaj chi ja yin ri in Loq'olej i-Dios, y kan xtik'en nukiy yin ri in Dios richin ri iruwach'ulew Israel.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Isaías 42:25

Roma ri' yin kan xinya' k'a ri woyowal pan iwi', y kan xinya' labal pan iwi'. Y ri labal ri' kan xixruk'is, achi'el nuben ri q'aq', man rik'in ri' man xq'ax ta chiwech, y man xixniman ta chuwe.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

Wuj Richin ri Isaías 9:10

Ri qachoch ri e banon rik'in ladrillo xa xewulex, jak'a re wakami roj xtiqapaba' chik jun bey rik'in abej ri kan e chojmirisan chik. Kan xechoy k'a el ri wíkix, jak'a re wakami roj xtiqatik-qa tiox-che' pa ruk'exel, yecha'.

Wuj Richin ri Isaías 9:9

Y konojel k'a ri winaqi' xtiketamaj. Ri winaqi' aj-Samaria y chijun ruwach'ulew Israel xtiketamaj. Rije' kan rik'in runimirisanen ri kánima nikibij:

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Wuj Richin ri Jeremías 23:27

Kan rik'in ri kachik' ri nikitzijoj chikiwech rije', kan nikiben chi ri nutinamit yinkimestaj kan más, kan achi'el xkiben ri kati't-kimama' ri ojer kan. Toq rije' xinkimestaj kan y ja ri Baal ri xkitzeqelibej.

Wuj Richin ri Jeremías 3:21

K'o k'a jun raqoj-chi'ij ri xak'axatej ri pa taq ruwi' juyu'; y ri' ja ri kiraqoj-chi'ij ri israelita, ri ye'oq' y nikik'utuj to'onik, roma xa xkich'er kan ki' rik'in ri choj laj bey y xa xinkimestaj kan yin.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Am 1:10

Roma ri' xtinya' ruq'aq'al ri tz'aq ri sutiyon-rij ri tinamit Tiro y ri q'aq' ri' xtuk'is ri jay richin tobel ri richin ri rey.

Am 1:12

Roma ri' xtinya' ruq'aq'al ri tinamit Temán y ri q'aq' ri' xtuk'is ri jay richin tobel richin ri rey richin Bosrá.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

Am 2:5

Roma ri' xtinya' ruq'aq'al ri ruwach'ulew Judá. y ri q'aq' ri', xtuk'is ri jay richin tobel ri ek'o pa Jerusalem.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.