Os 8:10 - Kaqchiquel Bible

¹⁰ Stape' kan xkiyala' sipanik chike ri tinamit, yin xa kan k'a xkenmol na richin chi nikina' ri ralal ri ejqa'n ri xtiya'ox pa kiwi' koma ri rey y ri e tata'al.

Os 8:10 Iomraidhean Croise

2 Rey 14:26

Y ri Jehová xutz'et k'a ri nimalej poqonal ri nuk'owisaj ri tinamit Israel, y chiri' kan man jun nikolon kichin, stape' jun samajel yuqul pa samaj o man samajel ta.

2 Rey 17:3

Chirij re' xbeyakatej k'a pe ri Salmanasar rey kichin ri aj-Asiria, y ri Oseas y ri aj-Israel kan xech'akatej koma rije'. Y ri Oseas kan k'o chi nutoj chire ri rey aj-Asiria.

2 Rey 17:4

Jak'a ri Oseas xa xyakatej chirij rija', y xeruteq rusamajela' rik'in ri So rey richin Egipto, richin xuk'utuj to'onik. Chuqa' kan man rutojon ta ri k'o chi nutoj chire rija' achi'el ri rubanon-pe ronojel juna'. Y toq ri Salmanasar xunabej chi ri Oseas yakatajineq chirij, jari' toq xuchop, xuxim rik'in cadena y xuya' pa cárcel.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Wuj Richin ri Isaías 30:2

Kan chi'anin k'a xixbe pan Egipto, richin xik'utuj to'onik. Yin man xinik'ulubej ta, jak'a xa rik'in ri ki-rey xik'utuj to'onik.

Wuj Richin ri Isaías 36:13

K'ari' rija' xpa'e-q'anej; kan janila kow xch'on pa ch'abel hebreo y xubij: Tiwak'axaj rix ri ixk'o pa ruwi' ri tz'aq, jare' ri ruch'abel ri nimalej rey richin Asiria.

Wuj Richin ri Jeremías 42:2

wik'in yin Jeremías y xkibij chuwe: Niqak'utuj utzil chawe, kach'on rik'in ri Jehová ri qa-Dios pa qavi' roj, ri xojkolotej kan, roma re wakami xa oj ka'i-oxi' chik ok, y ri rubanon-pe janila oj k'iy.

Ez 16:33

Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Ez 16:37

Roma ri', xkenmol k'a konojel ri ye'ajowan awichin, ri xaben chike richin chi xemakun awik'in. Kan xkenmol k'a pe ri akuchi e peteneq-wi, richin chi xtinwelesaj k'a ri atziaq chikiwech y keri' xtikitz'et chi at ch'anel.

Ez 22:20

Ri samajiy pueq numol ronojel re' y nuya' pan horno richin nuya'erisaj richin nrelesaj ri saqipueq. Keri' chuqa' xtinben iwik'in yin. Xkixinmol k'a y xtinya' ruk'ayewal pan iwi' ri achi'el q'aq'. Y keri' rix xkixinya'erisaj.

Ez 23:5

Stape' ri Oholá kan wichin yin, xa xbe ruk'u'x kik'in ri aj-labal aj-Asiria ri xe'ajowan richin.

Ez 26:7

Roma ri' kere' ninbij yin: Xtink'en k'a pe jun rey chiwij rix aj-Tiro y rija' ik'owineq chik ruwi' ri uchuq'a' ri k'o rik'in chikiwech ri ch'aqa' chik rey. Rija' xtipe kere' pa xaman y rubini'an Nabucodonosor, rey pa ruwi' ri ruwach'ulew Babilonia. Y rik'in rija' xkepe aj-labal, achi'a' yech'oke' chirij kiej y carruaje richin oyowal.

Dn 2:37

Rat rey kan más k'a nimalej aq'ij chikiwech konojel rey, roma ri Dios ri niq'aton-tzij chila' chikaj ruya'on ri ajawaren pan aq'a', ruya'on ruwaq'ijaj, uchuq'a' y nimirinen chawe.

Os 10:10

Kan xtinbenya' k'a rutojbalil-mak pa kiwi' toq yin xtinwajo'. Kan xtikimol k'a pe ki' tinamit chikij richin ninya' rutojbalil chike roma ri kamik ri xekibanala'.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Wuj Richin ri Hageo 2:6

Roma ri Jehová ri k'o ronojel uchuq'a' pa ruq'a' nubij chi tiwoyobej na juba', roma rija' nuyikiya' ri kaj y ri ruwach'ulew, ri palou y ri tz'iran taq ruwach'ulew.