Os 8:1 - Kaqchiquel Bible

¹ Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Os 8:1 Iomraidhean Croise

2 Rey 18:27

Jak'a jun chike ri aj-Asiria xubij: Roj man oj peteneq ta richin xaxe yojch'on iwik'in rix; xa kan chike chuqa' ri winaqi' ri ek'o pa ruwi' la tz'aq. Roma k'o k'a jun q'ij toq iwonojel rix xtitej ri nipamaj y xtiqum ri chulaj, xcha'.

Wuj Richin ri Isaías 18:3

Rix ch'aqa' chik winaqi' ri ixk'o chuwech re ruwach'ulew, toq xtiya'ox retal pa ruwi' ri juyu' kan titzu' k'a jebel ri ruk'ayewal ri xtiqaqa pa kiwi', y toq xtixupux ri trompeta, chuqa' kan tiwak'axaj k'a.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 34:18

Rix xiben re jun jikibel-tzij re', jak'a man xitaqej ta. Y roma ri' ninya' rutojbalil-mak pan iwi'. Rix xich'er k'a pa nik'aj ri alaj achij wákix y xiya' kan pa ka'i' cholaj. K'ari' xiq'ax pa kinik'ajal.

Wuj Richin ri Jeremías 4:13

Titz'eta' ri e etzelanel iwichin xenaqajub yan pe achi'el ri sutz' y ri ki-carruaje ri e richin oyowal e achi'el nimalej kaq'iq'. Ri kikiej kan tijumin e peteneq achi'el nuben jun kot toq k'o nuchop. Jari' toq rix xtibij: ¡Toq'ex k'a qawech roj ri kan xojk'is yan, xkixcha'!

Wuj Richin ri Jeremías 4:5

Tiya' k'a rutzijol pa tinamit Jerusalem y pa ruwach'ulew Judá. Tixupuj k'a ri trompeta richin niya' rutzijol chupan ri ruwach'ulew. ¡Kan kow k'a tiraqa' ichi'! y tibij: ¡Tiqamolo-qi' y qojok chiri' pa tinamit richin tobel!

Wuj Richin ri Jeremías 48:40

Yin Jehová ri yibin. Ri e etzelanel iwichin rix aj-Moab kan xtikik'eq-pe-ki' pan iwi' rix, achi'el nuben jun kot toq rurik'on jebel ri ruxik'.

Wuj Richin ri Jeremías 49:22

Ri e etzelanel iwichin kan xtikik'eq-ki' chirij ri itinamit Bosrá, achi'el nuben jun kot toq rurik'on ri ruxik'. Y chupan ri q'ij ri', ri aj-labal iwichin rix kan xtiq'axon ri kánima, achi'el niq'axon jun ixoq toq nik'oje' yan ti ral, xcha' ri Dios.

Wuj Richin ri Jeremías 51:27

Ri Jehová nubij chike ri ch'aqa' chik ruwach'ulew: Tijotoba' k'a ri tzieq retal richin oyowal; tixupuj k'a ri trompeta richin niya' rutzijol chike ri winaqi'. Y tinaba-iwi' rix winaqi' richin re ruwach'ulew. Kixyakatej k'a chikij ri aj-Babilonia. Ke'ibeyaka-pe ri q'atbel taq tzij richin ri ruwach'ulew Ararat, ri Miní y ri Asquenaz. Tikanoj jun achin ri más k'o ruq'ij richin nok aj-raqen kichin ri aj-labal. Kan ke'ik'uaj k'a ri achi'a' ri e beneq chikij kiej, ri e achi'el kajlabal ri sak'.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

Ez 11:4

Roma ri' kach'on kik'in pa nubi' yin y taq'alajirisaj chikiwech ri nipe chikiwech-apo, xcha'.

Ez 16:59

Y roma ronojel re', yin Jehová ninbij chi kan xtinya' k'a janila rutojbalil-mak pan awi' roma ri itzel abanobal y man xataqej ta ri atzij ri abin chuwe toq xqaben ri ya'on-tzij.

Ez 17:3

Y jare' k'a ri ninbij yin Jehová: K'o k'a jun nimalej kot y toq nurik' ri ruxik' kan janila nej napon-wi y ri rusumal kan jalajoj ri yetzu'un. Y k'o k'a jun q'ij re kot re' xapon k'a pa ruwach'ulew Líbano y xapon-q'anej pa rutum jun tiox-che' y xuchop.

Ez 7:14

Stape' xtixupux-pe ri trompeta richin nikichojmirisaj-ki' richin yebe pan oyowal, xa man jun xtibe, roma ri woyowal xa kan qajineq chik pa kiwi' rije'.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 6:7

Jak'a rix xa kan xiben achi'el xuben ri Adán, xa xiq'ej ruwi' ri nujikibel-tzij. Kan janila k'a xixmakun chinuwech yin.

Os 9:15

Ri Jehová nubij k'a: Ronojel ri mak ri xkiben ri aj-Israel pa Guilgal; kan ja ri chiri' xinchop-pe richin yenmalij kan, roma ronojel ri etzelal ri nikiben. Kan xkenwelesaj k'a el chupan ri wachoch, kan man xkenwajo' ta chik, konojel ri tata'al xa man pa ruchojmilal ta nikiben xa kan e itzel taq winaqi'.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 2:15

Tixupuj k'a ri trompeta ri chiri' pa juyu' Sión. Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Am 8:3

Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Am 9:1

Yin xinben chik jun achi'el achik', y xintz'et ri Jehová pa'el chunaqaj ri porobel, y xubij chuwe: Ke'asiloj ri ruwi' pilar richin xkekorotej ronojel che'; richin nitzaq-qa ronojel pa kiwi' ri winaqi'. Y ri xkekolotej kan, ja yin xkikamisan kichin rik'in espada. Kan man jun xtitikir xtiberewaj-ri', ni man jun xtukol kan ri'.

Wuj Richin ri Habacuc 1:8

Ri kikiej kan más k'a anineq yebiyin chikiwech ri balma. Y ri winaqi' kan e k'uxunela', achi'el ri utiwa' ri yebiyajilan chi'aq'a' richin nikikanoj kiway. Ri kiej kan nikajo' yan nikiben labal, y kan k'a janila nej xkepe-wi. Rije' xkepe anineq, achi'el ri kot yexik'an pa kaq'iq' toq k'o nikajo' nikichop.

Wuj Richin ri Sofonías 1:16

y q'ij richin yeq'ajan-pe ri trompeta y raqoj-chi'ij, richin nichapatej oyowal pa taq tinamit ri sutin-kij rik'in tz'aq, y pa kiwi' ri nimalej taq torre richin tobel.

Wuj Richin ri Zacarías 11:1

Chiri' pa juyu' Líbano ri q'aq' kan xtuk'is ronojel tiox-che' y man jun xtiq'aton richin.

Wuj Richin ri Zacarías 9:14

Chupan ri q'ij ri' yin kan xtink'ut k'a wi' chiwech rix nuwinaq. Ri nuch'ab ri xkenk'eq kan achi'el xa ta koyopa'. Y ja yin ri xkixupun ri trompeta richin labal. Xtinchop kere' pa xokon, y xkipe achi'el jun surkum.

San Mateo 24:28

Roma ri' k'o jun tzij ri nubij: Akuchi k'o-wi jun kamineq, chiri' nikimol-wi-ki' ri k'ucha'.

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

Deut 28:49

Ri Jehová xtuteq-pe chiwij jun ruwach'ulew ri k'o janila nej y man xtiq'ax ta ri kich'abel chiwech; kan xkeyakatej k'a pe chiwij richin nokibana' oyowal iwik'in; kan xkeqaqa k'a chiwij, achi'el nuben jun kot, toq k'o ruq'ijun.