Os 7:2 - Kaqchiquel Bible

² Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Os 7:2 Iomraidhean Croise

Wuj Richin ri Achin Job 34:21

Roma ri Dios kan rutzuliben k'a ri achike rubanik ruk'aslen ri wineq, kan rutzuliben chuqa' chikijujunal ri ruxaka'l ri nuya' chuwech re ruwach'ulew.

Wuj Richin Bix Chire ri Dios 10:11

K'ari' nubij chik qa pa ránima: Ri Dios xa numestaj ronojel; rija' man nitzu'un ta pe, man jun bey xtutz'et re', nicha-qa.

Wuj Richin Bix Chire ri Dios 25:7

Man taya' ruk'exel chuwe roma ri numak ri xenbanala' toq k'a in ak'ual na. Tabana' utzil man toqaqa chi'ak'u'x ri nuyakatajinenri'il. Xa kan taya' k'a pa nuwi' ri awutzil y ri awajowabal rat nimalej Jehová, roma rat janila at utz.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Wuj Richin Bix Chire ri Dios 90:8

Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

Wuj Richin ri Isaías 26:16

Toq xe'aya' ri qawinaq pa tijoj-poqonal, xatkikanoj k'a, y xech'on k'a awik'in

Wuj Richin ri Isaías 44:19

Man nuch'ob ta qa y nubij ta: Ri nik'aj chire re che' re' xa xinya' pa q'aq', y pa ruwi' ri racheq-q'aq', xinchaq'irisaj-wi nuway, xinsa' ti'ij y xintej. Y ri juba' chik che' ri xk'oje' kan chire ri che' ri', xinben jun relik wachibel chire. Y re ninya' ruq'ij xa jun ti juba' che', man nicha' ta.

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Jeremías 16:17

Roma kan nutz'eton ronojel ri nikiben y kan man jun k'a ri ewatel ta chinuwech.

Wuj Richin ri Jeremías 17:1

Ri Dios xuya' ri rutzijol chuwe richin ninya' chike ri winaqi' aj-Judá: Ri iwánima nuk'ut ri imak achi'el ri e tz'iban chuwech jun abej rik'in jun q'eqapueq o jun chik abej o pa ruwi' ri achi'el taq uk'a' ri ek'o pa rutza'n ri taq ruxikin ri porobel.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

Wuj Richin ri Jeremías 4:18

Ri itzel ibey y ri itzel taq ibanobal, jari' ri nibanon chiwe richin kere' xtik'uluwachij. Roma ri imak xtiqaqa re jun ruk'ayewal re' pan iwi'. Janila ruk'ayewal, roma kan xapon k'a pan iwánima, xcha' ri Dios.

Wuj Richin ri Jeremías 44:21

¿Nich'ob rix chi ri Jehová man nutz'et ta pe ri ibanobal ri ye'iben rix y ri xkiben ri iwati't-imama', ri i-rey y konojel winaqi' richin re tinamit toq nisuj pom chikiwech ch'aqa' chik dios, pa taq tinamit richin Judá y pa taq bey richin Jerusalem?

Ez 21:29

Rix amonita kan ikuquban ik'u'x kik'in ri yeq'alajirisan chiwech ri man e qitzij ta y nikibananej chi nikil ri xa tz'ukun-tzij. Jak'a ri espada kan naqaj chik k'o-pe chiwij richin yixken, roma xa xapon yan ri q'ij richin ninya' rutojbalil-mak pan iwi'.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Os 4:9

Kan xtinya' k'a rutojbalil-mak pa ruwi' ri nutinamit. Junan kik'in ri sacerdote, xtikik'ul k'a rutojbalil ri kibanobal.

Os 6:2

Chirij ri tijoj-poqonal kan xtuya' chik qak'aslen. Kan xqojruyek chik richin xqojk'ase' jantape' chuwech rija'.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:15

Ri Jehová nubij k'a: Ronojel ri mak ri xkiben ri aj-Israel pa Guilgal; kan ja ri chiri' xinchop-pe richin yenmalij kan, roma ronojel ri etzelal ri nikiben. Kan xkenwelesaj k'a el chupan ri wachoch, kan man xkenwajo' ta chik, konojel ri tata'al xa man pa ruchojmilal ta nikiben xa kan e itzel taq winaqi'.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

Wuj Richin ri Jonás 1:2

Kabiyin chupan ri nimalej tinamit Nínive y taya' rutzijol chike, chi ri kimak kan xik'o yan ruwi', y roma ri' xkenk'is, xcha' ri Dios chire.

Wuj Richin ri Q'axanri'il 32:23

Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

San Lucas 12:2

Ronojel ri man q'alajirisan ta xtibeq'alajin-pe. Y ronojel ri tz'apel kan rij, xtel k'a pe chuwa saqil.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.