Os 6:3 - Kaqchiquel Bible

³ Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Os 6:3 Iomraidhean Croise

Wuj Richin ri Achin Job 29:23

Rije' kan yinkoyobej k'a, achi'el nikiben ri winaqi' toq nikoyobej ri nabey job, kan achike la k'a nuben ri kánima koyoben chi niqaqa ri job ri'.

Wuj Richin Bix Chire ri Dios 19:4

jak'a kan chuwech chijun ruwach'ulew niq'alajin-wi ri ruch'abel ri Dios, kan k'a pa ruk'isibel k'a chire re ruwach'ulew niq'alajin-wi ri ruch'abel. Chila' chikaj ri Dios xuben jun rachoch ri q'ij;

Wuj Richin Bix Chire ri Dios 19:6

Nel-pe ri juk'an ruchi' ri kaj, y nibeqaqa ri juk'an chik ruchi', ¡Kan man jun k'a ri nitikir ta nrewaj-ri' chuwech ri ruk'atanal.

Wuj Richin Bix Chire ri Dios 63:8

Chijun ri nuk'aslen xa jun rubanon awik'in rat; kan in ayuqen k'a rik'in ri awijkiq'a'.

Wuj Richin Bix Chire ri Dios 65:9

Kan no'atz'eta' k'a qa re ruwach'ulew y kan naya'aj; kan janila k'a nim beyomel naya' pa ruwi'. Rik'in ri ya' ri k'o awik'in, rat naben k'a chi nik'iy-pe ri tiko'n. Kan niwachin k'a roma kan keri' ri arayibel rat.

Wuj Richin Bix Chire ri Dios 72:6

Ri ruq'atoj-tzij ri rey kan achi'el k'a ri job pa ruwi' ri q'ayis, achi'el chuqa' ri raxq'ab ri niqaqa-pe pa ruwi' ri ruwach'ulew.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Isaías 32:15

Jak'a toq ri ru-Espíritu ri Dios xtipe chila' chikaj pa kiwi' ri winaqi', jari' toq ri tz'iran ruwach'ulew kan xtok ulew richin tiko'n, y ri ulew richin tiko'n kan más k'a ri xtiwachin.

Wuj Richin ri Isaías 44:3

Yin kan xtinben chi xtibiyin ya' chupan ri ruwach'ulew ri kan jantape' nutz'u' ri ya'. Chuqa' kan xtibiyin raqen taq ya' chupan ri chaqi'j taq ulew. Pa kiwi' ri iwijatzul kan xtinya' ri nu-espíritu, y chuqa' xtinya' urtisanik.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Os 10:12

Yin xinbij k'a chike ri aj-Israel chi tikitika-qa ri ruchojmilal, richin nikiwachij ajowabel. Tinaba' ri iwulew richin niqaqa jun k'ak'a' tiko'n. Roma xa kan xapon k'a ri q'ij richin yinikanoj chik yin Jehová. Kan keri' k'a tibana' k'a toq xkipe yin richin nonk'utu' chiwech ri ruchojmilal.

Os 14:5

Yin kan xkinok k'a chire ri tinamit Israel achi'el ri raxq'ab. Rija' kan xtisijan chik k'a achi'el nisijan ri lirio. Ri ruxe' kan kow k'a xtik'oje' achi'el ri ruxe' ri juyu' Líbano.

Os 14:6

Kan xkenimer k'a ri ruq'a', kan jebel k'a xtitzu'un achi'el nitzu'un ri olivo. Kan xtijubulin k'a achi'el ri juyu' Líbano.

Os 2:20

Xkatok chik k'a wixjayil y kan utz xtinben awik'in. Keri' rat kan xtawetamaj chik nuwech yin Jehová.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Miqueas 5:7

Ri qawinaq israelita xtikitaluj-ki' chuwech ri ruwach'ulew, jak'a xtapon chik k'a ri q'ij toq xkek'iyer. Y ri Dios xtibanon ronojel re' achi'el nuteq-pe ri raxq'ab y ri job, y man wineq ta ri nibanon.

Wuj Richin ri Zacarías 10:1

Ri Jehová nubij: Tik'utuj k'a job pa ruq'ijul, roma yin kan xtinya' k'a pe sutz' ri kik'uan job, richin keri' xkeraxer ri q'ayis y ri tiko'n ri ek'o pa taq juyu'.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

San Lucas 1:78

Y ri', xaxe roma ri qa-Dios nujoyowaj qawech rik'in ronojel ajowabel. Roma ri' nuteq-pe ri jun ri nosaqirisan qichin, kan achi'el ri q'ij ri nimaq'a' yan ri xtiqaqa-pe chila' chikaj.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.