Os 5:1 - Kaqchiquel Bible

¹ Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Os 5:1 Iomraidhean Croise

Wuj Richin ri Jeremías 11:7

Roma chupan ri q'ij toq xinben chike ri iwati't-imama' chi xe'el-pe pa ruwach'ulew Egipto, xinbij chi rije' k'o chi nikiben ri nubij ri nuch'abel. Y kan k'a ja na re' ninbij re wakami.

Wuj Richin ri Jeremías 13:18

Y ri Dios xuya' k'a jun rutzijol chuwe richin chi ninbij chiwe: Rat rey y ri ate', k'o chi niya' kan ri itz'uyubal y tiwelesaj ri i-corona, roma ri ajawaren kan xtelesex pan iq'a'.

Wuj Richin ri Jeremías 46:18

Yin Jehová ri k'o ronojel uchuq'a' pa nuq'a', kan ninya' nutzij pa nubi' chi ri winaqi' ri xkepe chiwij, kan janila nima'q kipalen, achi'el ri juyu' Tabor y ri juyu' Carmelo ri kan nej e jotol chuwech ri palou.

Os 10:15

Keri' k'a xtuben chiwe rix winaqi' ri ixk'o pa Betel, keri' xtuben chiwe roma ri nimalej imak. Ri rey richin Israel xa kan kamineq chik k'a toq xtiseqer-pe, ncha' ri Dios.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Os 6:9

Achi'el xa ta eleq'oma' ri yekoyobej winaqi' pa bey, keri' xkiben ri tzobaj sacerdote. Kan xekamisan chupan ri bey ri nibe pa Siquem, kan janila k'a chi etzelal ri xkiben.

Os 9:8

Ri Dios kan xuya' k'a ri q'alajirisey ruch'abel richin xok jun chajinel chire ri tinamit Israel. Jak'a ri winaqi' xa xkiyala' pikbel pa rubey re jun q'alajirisanel re', stape' kan pa rachoch ri Dios ek'o-wi, xa kan k'o ch'upun-k'u'x kik'in.

Joel 1:2

Tiwak'axaj k'a rix achi'a' ri k'o iq'ij, chuqa' tiwak'axaj rix chi'iwonojel ri ixk'o chupan re ruwach'ulew Judá. ¿K'o kami k'uluwachitajineq chupan re q'ij re'? ¿K'o kami k'uluwachitajineq pa kiq'ijul ri qate-qatata'?

Am 3:1

Rix winaqi' israelita tiwak'axaj ri xtinbenbij chiwe: Ri ojer kan xenkol-pe pan Egipto ri iwati't-imama'.

Am 7:9

Ri juyu' ri akuchi nikiya' kiq'ij ri ki-dios kan xtik'is jumul. Ri kachoch ri ki-dios kan xkewulatej kan. Y ri aj pa rachoch kan ri Jeroboam kan xkenkamisaj rik'in espada, xcha'.

Wuj Richin ri Miqueas 3:1

Wakami k'a tiwak'axaj rix tata'al y aj-raqen pa ruwi' ri tinamit Israel: Rix nik'atzin chi niben pa ruchojmilal.

Wuj Richin ri Miqueas 3:9

Tiwak'axaj rix aj-raqen pa qawi' roj ri oj israelita. Rix ri k'o iq'ij chiqakojol, rix kan man niqa' ta chiwech ri ruchojmilal. Rix kan nixotoba' rubanik ri q'atoj-tzij.

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

Wuj Richin ri Malaquías 2:1

Kan chiwe k'a rix sacerdote ninya-wi re jun rutzijol re':

Wuj Kichin ri To'onela' 4:12

Xapon k'a rutzijol rik'in ri Sísara, chi ri Barac xjote-q'anej chunaqaj ri ruwi-juyu' Tabor.

Wuj Kichin ri To'onela' 4:6

K'o k'a jun q'ij ri Débora xuteq royoxik ri Barac, ri ruk'ajol ri Abinóam ri aj-Quedes, ri k'o pa ruwach'ulew richin ri Neftalí, y toq xapon k'a, ri Débora xubij chire: Ri Jehová, ri qa-Dios, kere' ri nubij chawe: Kabiyin y kebe'amolo-pe e 10,000 achi'a' chikikojol ri tzobaj richin ri Neftalí y ri Zabulón, y timolo-iwi' chiri' chuwa taq juyu' ri rubini'an Tabor,

1 Sam 7:16

Y ronojel k'a juna' napon chupan re tinamit re': Pa Betel, pa Guilgal y pa Mispá richin nuq'et-tzij pa kiwi'.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.

1 Sam 7:6

Kan xkimol k'a ki' chiri' pa Mispá. Xkelesaj ya', y xkitix pan ulew chuwech ri Jehová richin jun sipanik. Kan man xewa' ta ri q'ij ri' richin chi konojel xkik'ut chi kan qitzij xtzolej-pe kik'u'x y xkibij: Kan qitzij na wi oj makuwineq chuwech ri Jehová, xecha'. Y ja ri Samuel xq'aton-tzij pa kiwi' ri israelita chiri'.