Os 4:9 - Kaqchiquel Bible

⁹ Kan xtinya' k'a rutojbalil-mak pa ruwi' ri nutinamit. Junan kik'in ri sacerdote, xtikik'ul k'a rutojbalil ri kibanobal.

Os 4:9 Iomraidhean Croise

Wuj Richin Etamabel-Tzij 11:31

Kan qitzij wi chi ri choj ruk'aslen, kan chuwech yan re ruwach'ulew nuk'ul-el rajel ruk'exel; jak'a ri wineq itzel y ri aj-mak, kan más ruk'amon chi nikik'ul yan el rutojbalil re chuwech re ruwach'ulew.

Wuj Richin Etamabel-Tzij 12:14

Ri nibanon chire ri wineq chi nikuqer ruk'u'x, ja ri utzilej taq ch'abel ri yerubij; y kan achike k'a rubanik rusamaj jun wineq, kan ja chuqa' ri' ri rajel ruk'exel ri xtuk'ul.

Wuj Richin Etamabel-Tzij 5:22

Ri achin aj-mak, xa ja ri itzel rubanobal ri nibanon chire chi man nitikir ta nel-pe chupan ri mak ri', xa ruyon k'a rija' nusuq' kan ri' chupan.

Wuj Richin ri Isaías 24:2

Kan keri' xtibanatej kik'in ri winaqi' ri maneq kiq'ij, chuqa' kik'in ri sacerdote; kik'in ri samajela', chuqa' kik'in ri e ajaw; kik'in ri ixoqi' ri e rajaw ri jay, chuqa' kik'in ri aj-ik'a' ri yesamej kik'in; kik'in ri loq'onela', chuqa' kik'in ri k'ayinela'; kik'in ri yeya'on méro pa qajik, chuqa' kik'in ri yeqajo-el; kik'in ri yeya'on k'as y chuqa' kik'in ri yetojo k'as.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Ez 44:10

Ek'o k'a levita ri xkich'er kan ki' wik'in toq ri iwinaq xkijech'ej kan ki' wik'in y xinkimalij kan richin xkiya' kiq'ij wachibel. Y roma ri' xtikejqalej ri kimak.

Ez 44:12

Keri' xtikiben roma rije' xa xek'oje' chiri' richin xekisamajij ri ch'aqa' chik israelita richin xekiya' kiq'ij ri wachibel y keri' xkiben chike richin xemakun, roma ri' k'o chi xtikejqalej ri kimak.

Os 1:4

K'ari' ri Jehová xubij chik k'a chuwe: Ri awalk'ual Jezreel k'a ri rubi' ri xtaya', roma yin xa kan xtinbenya' yan k'a rutojbalil-mak pa kiwi' ri e rijatzul kan ri Jehú, roma ronojel ri kamik ri xkiben chupan ri taq'aj Jezreel y xtik'is ri ajawaren richin ri tinamit Israel.

Os 10:10

Kan xtinbenya' k'a rutojbalil-mak pa kiwi' toq yin xtinwajo'. Kan xtikimol k'a pe ki' tinamit chikij richin ninya' rutojbalil chike roma ri kamik ri xekibanala'.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Os 12:3

Ri Jacob kan k'a k'o na chupan ri rute' toq xuchop chuqul raqen ri runimal. Keri' chuqa' rik'in ri ruchuq'a' kan xch'akon chirij ri ángel ri xchapo richin.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:15

Ri Jehová nubij k'a: Ronojel ri mak ri xkiben ri aj-Israel pa Guilgal; kan ja ri chiri' xinchop-pe richin yenmalij kan, roma ronojel ri etzelal ri nikiben. Kan xkenwelesaj k'a el chupan ri wachoch, kan man xkenwajo' ta chik, konojel ri tata'al xa man pa ruchojmilal ta nikiben xa kan e itzel taq winaqi'.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.