Os 4:6 - Kaqchiquel Bible

⁶ Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 4:6 Iomraidhean Croise

2 Crón 15:3

Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

Wuj Richin ri Achin Job 36:12

Jak'a wi man nikak'axaj ta ri rutzijol ri niya'ox chike, roma ri' rije' xke'el-el chuwech re ruwach'ulew pa ruq'a' jun k'ayewalej kamik, roma man xketamaj ta xek'ase' achi'el ri xbix chike.

Wuj Richin Bix Chire ri Dios 119:139

Ri woyowal kan yiruk'is yan qa, roma ri e etzelanel wichin, xa man nikiben ta achi'el nubij ri apixa'.

Wuj Richin Bix Chire ri Dios 119:153

Jehová tatzu' ri nutijoj-poqonal y kinajech'ej chuwech, roma yin kan man in mestawineq ta chire ri apixa'.

Wuj Richin Bix Chire ri Dios 119:61

Kan pa taq tzobaj winaqi' ri e banoy taq etzelal ri kisutin-wij. Jak'a yin kan man numalin ta kan ri apixa'.

Wuj Richin Bix Chire ri Dios 18:27

Rat kan ye'akol ri nikiqasaj-ki' chawech. Chuqa' kan naqasaj kiq'ij ri kinimirisan-ki' chawech.

Wuj Richin Etamabel-Tzij 10:21

Ri ruch'abel ri wineq ri choj ruk'aslen, kan k'o utz nuk'en-pe chike ri winaqi'; jak'a ri wineq ri xa maneq ok runa'oj, ni rija' man nitikir ta nuto-ri' y pa kamik napon-wi.

Wuj Richin Etamabel-Tzij 19:2

Ri wineq ri kan man nuch'ob ta jebel ri achike ri nrajo' nuben, man utz ta; roma toq ri wineq kan anineq nrajo' nuben ronojel, xa xtibesach.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

Wuj Richin ri Isaías 17:10

Kan xinimestaj yin ri xikolon iwichin, y kan man xoqaqa ta chi'ik'u'x chi ja yin ri itobal. Jak'a pa ruk'exel, rix nitik k'a ruwech ri qejoj ri kan jebel niwachin, richin niya' kiq'ij ri ch'aqa' chik dios.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Isaías 28:7

Chuqa' ek'o chik ch'aqa' ri yebe-kela' yebe-kela' nikiben, roma xeq'aber-qa rik'in vino y rik'in ya' ri niq'abarisan. Y rije' e sacerdote y e q'alajirisey ruch'abel ri Dios. Man yetikir ta yech'obon roma k'iy vino kiqumun. Chaq nikipajk'ij kaqen roma janila k'iy vino kiqumun, toq k'o ri nik'utumej chikiwech. Y e q'abarela' toq nikiq'et-tzij pa kiwi' ri winaqi'.

Wuj Richin ri Isaías 29:12

Y wi ta niya' chire jun wineq ri man retaman ta ruwawuj, y nibij chire chi tusik'ij, rija' xtubij chiwe chi man retaman ta ruwawuj.

Wuj Richin ri Isaías 3:12

Re wakami ja ri k'ajol taq alaboni' ri yetz'ilo kichin ri winaqi'. Y ja ri ixoqi' ri yeq'aton-tzij pa kiwi'. Rix nuwinaq, ri e uk'uayon iwichin xa xixkiq'ol. y xa ix kik'uan pa jun bey ri man choj ta.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 5:13

Roma ri' kan chi'iwonojel k'a rix xkixuk'uex-el pa ximonri'il, roma kan maneq iwetamabal. Konojel k'a ri k'o kiq'ij, xkeken roma wayjal. Y janila chi winaqi' xkeken roma chaqi'j-chi'ij.

Wuj Richin ri Jeremías 2:8

Ri e sacerdote man xkibij ta: ¿Akuchi k'o-wi ri Jehová? Ri yeya'on pixabanik richin ri tinamit man xkiya' ta chik wejqalen. Ri aj-raqen xa xeyakatej chuwij, ri e q'alajirisey nuch'abel xa xech'on pa rubi' ri Baal y kan xekitzeqelibej dios ri xa man jun kejqalen.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Ez 44:23

Rik'in ri' nikik'ut chikiwech ri winaqi' ri rukojolil ri k'o rejqalen y ri maneq rejqalen, rukojol ri ch'ajch'oj y ri man ch'ajch'oj ta.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Os 4:14

Jak'a yin kan man xtinya' ta k'a rutojbalil-mak pa kiwi' ri kimi'al toq xkemakun. Ni pa kiwi' ri kali' toq xkek'oje' kik'in ch'aqa' chik achi'a'. Roma xa kan ja rix ri xkixbe kik'in ri ixoqi' ri itzel kik'aslen; y richin nisuj kamelabel chikiwech ri wachibel, kan xkixk'oje' k'a kik'in ixoqi' ri itzel kik'aslen. Keri' toq nitzaq jun tinamit ri maneq runa'oj.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 7:9

Ri kuchuq'a' xa xkik'is-el ri e aj juk'an chik ruwach'ulew. Rije' kan man xkinabej ta k'a chi keri' xban chike, chuqa' xsaqir yan ri rusumal-kiwi', jak'a xa man xkinabej ta.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Os 8:12

Yin kan jantape' k'a xink'ut chikiwech ri nupixa', jak'a rije' xa xkiben chire chi achi'el xa man niq'ax ta chikiwech.

Os 8:14

Ri aj-Israel xa xkimestaj k'a ri banayon kichin, kan xkipabala' k'a q'anej jay kichin q'atbel-tzij. Ri aj-Judá xekiyakala' k'a q'anej tinamit ri sutin-kij chi tz'aq. Jak'a yin kan xtinya' k'a ruq'aq'al ri kitinamit y kan xkeruk'is k'a q'aq' ronojel ri jay ri xekipabala-q'anej, ncha' ri Dios.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.

San Mateo 1:6

Y re Isaí re' xralk'ualaj ri rey David. Ri rey David xralk'ualaj ri Salomón rik'in ri Betsabé ri rixjayil. Ri Betsabé ri', ja ri rixjayil kan ri Urías.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

San Mateo 15:8

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.