Os 4:2 - Kaqchiquel Bible

² Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Os 4:2 Iomraidhean Croise

Wuj Richin ri Rutikeribel 4:8

Y xapon k'a jun q'ij ri Caín xubij chire ri Abel ri ruchaq': Jo' pa juyu', xcha' chire. Y toq ek'o chik chiri' pa juyu', ri Caín xyakatej chirij ri rach'alal y xukamisaj.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin ri Jeremías 51:5

Stape' ri aj-Israel y ri aj-Judá xemakun chinuwech yin y kan xkinojisaj chi mak ri kiruwach'ulew, yin Jehová ri k'o ronojel uchuq'a' wik'in, ri in loq'olej ki-Dios, man e numalin ta kan.

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Ez 7:23

Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Os 10:13

Jak'a rix xa kan ja ri etzelal ri itikon-qa. Kan man jun ruchojmilal ri niwachij, kere' nik'uluwachij roma xa xikuquba' ik'u'x kik'in carruaje richin labal y kik'in ri janila chi aj-labal.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Os 12:14

Jak'a ri winaqi' richin Israel xa xkiyek royowal ri Dios. Roma ri' ri Dios kan xtuben k'a chi xtiqaqa pa kiwi' ronojel ri kamik e kibanalon, kan xtiqaqa k'a pa kiwi' ri rutojbalil ri kimak y kan xtuya' chik jun bey kik'ix.

Os 5:2

Achi'el xa ta jun pozo ri xiben chire ri Sitim. Roma kere' xiben, kan xtinya' k'a rutojbalil-mak pan iwi'.

Os 6:8

Ri winaqi' aj-Galaad kan e banoy taq etzelal, ri tinamit ri' kan tz'ilobitajineq k'a rik'in kik'.

Os 6:9

Achi'el xa ta eleq'oma' ri yekoyobej winaqi' pa bey, keri' xkiben ri tzobaj sacerdote. Kan xekamisan chupan ri bey ri nibe pa Siquem, kan janila k'a chi etzelal ri xkiben.

Os 7:1

Ri Jehová nubij: Rokik yin ninwajo' ninwaq'omaj ri tinamit Israel, xa xbek'ulun k'a pe ri rumak. xbek'ulun-pe ri itzel taq rubanobal ri tinamit Samaria. Rije' xa kan xaxe k'a q'oloj nikiben, e achi'el k'a eleq'oma' ri ye'ok pa taq jay, kan yekichop k'a ri winaqi' pa taq bey.

Os 7:3

Rik'in k'a ri itzel taq kibanobal nikiya' kikoten chire ri ki-rey. Ri e tata'al kan yekikot k'a rik'in ri tz'ukuj-tzij ri nikiben ri winaqi'.

Os 7:4

Konojel rije' xa e q'olonela' y man qitzij ta ri nikibij, ri ketzelal kan nik'a'on achi'el ri q'aq' chupan ri horno ri man nik'atzin ta chi nixupux. Keri' nik'oje' ri q'aq', k'a ja toq ri banoy kaxlan-wey nuchop ruchojmirisaxik ri q'or ri k'o chi nukusaj k'a toq nisipoj na pe.

Wuj Richin ri Miqueas 3:2

Jak'a rix xa niwetzelaj ri utz, y ri man utz ta, xa jari' ri niwajo'. Rix niwelesaj ronojel chike ri nuwinaq, achi'el xa ta niwelesaj ri kitz'umal y ri kitiojil chirij ri kibaqil.

Wuj Richin ri Miqueas 3:9

Tiwak'axaj rix aj-raqen pa qawi' roj ri oj israelita. Rix ri k'o iq'ij chiqakojol, rix kan man niqa' ta chiwech ri ruchojmilal. Rix kan nixotoba' rubanik ri q'atoj-tzij.

Wuj Richin ri Miqueas 6:10

Rix ri ix banoy etzelal k'o janila chi beyomel iwik'in, y man ich'akon ta rik'in ruchojmilal. Rix nikusaj jun k'ojelibel ri man tz'aqet ta richin yixk'ayin. Y re' kan man utz ta nintz'et yin.

Wuj Richin ri Sofonías 3:1

¡Kan toq'ex k'a iwech rix aj-Jerusalem roma kan janila ipaban-iwi'! Itz'ilobisan ri ik'aslen, y kan ye'itz'ila' ri iwinaq.

Wuj Richin ri Zacarías 5:3

K'ari' xubij chuwe: Chuwech la wuj k'o jun itzel oyonik ri xtibiyin chuwech chijun ri ruwach'ulew. Ri jun ruwech ri wuj tz'ibatel chi ri eleq'oma' xkeken. Y ri jun chik ruwech tz'ibatel chi ri nujikiba' ta rutzij ri xa man qitzij ta ri nubij, rija' kan man xtikolotej ta kan.

Wuj Richin ri Zacarías 7:9

Yin Jehová k'iytisanel richin ronojel ri yibin. Toq xtiq'et-tzij, kan tibana' k'a pa ruchojmilal. Kan xkixajowan k'a y tik'oje' k'a joyowanik chi'ikojol.

San Mateo 23:35

Y ronojel re' kan xtuben k'a chiwe chi ja rix yixejqalen ri kikamik konojel ri choj kik'aslen: Ri xtiker-pe rik'in ri rukamik ri Abel, k'a rik'in ri rukamik ri Zacarías, ri ruk'ajol ri Berequías; ri xkikamisaj ri iwati't-imama' ri chiri' chunaqaj ri porobel ri k'o pa rachoch ri Dios.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Deut 5:11

Man chaq tinatala' ri nubi' yin Jehová ri i-Dios ri man jun achike ta roma, roma wi keri' xtiben kan xtinya' rutojbalil-mak pan iwi'.

Deut 5:18

Rix ri ix k'ulan, man tikanoj jun chik, y rix achi'a' man kixk'oje' rik'in ri rixjayil ri iwachpochel.

Deut 5:19

Man kixeleq'.

1 Tesalonicenses 2:15

Ri judío ri xek'oje' ojer kan xekikamisala' ri e q'alajirisey ruch'abel ri Dios. Chuqa' ri qawinaq xebin chi tikamisex ri ajaw Jesucristo. Y chuqa' ja rije' ri xe'oqotan-pe qichin roj. Konojel re itzel taq winaqi' re' man nikiben ta ri niqa' chuwech ri Dios, y yeketzelaj ri winaqi'.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.