Os 4:11 - Kaqchiquel Bible

¹¹ Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Os 4:11 Iomraidhean Croise

Wuj Richin Etamabel-Tzij 20:1

Ri vino nuben chire ri wineq chi maneq ruk'ix y ri ruya'al manzana ch'amirineq nuben chire chi nuben oyowal; y ri winaqi' ri yeqaqa pa kiq'a' ri q'abarisanel taq ya' ri', kan maneq k'a utzilej na'oj kik'in.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

Wuj Richin ri Isaías 28:7

Chuqa' ek'o chik ch'aqa' ri yebe-kela' yebe-kela' nikiben, roma xeq'aber-qa rik'in vino y rik'in ya' ri niq'abarisan. Y rije' e sacerdote y e q'alajirisey ruch'abel ri Dios. Man yetikir ta yech'obon roma k'iy vino kiqumun. Chaq nikipajk'ij kaqen roma janila k'iy vino kiqumun, toq k'o ri nik'utumej chikiwech. Y e q'abarela' toq nikiq'et-tzij pa kiwi' ri winaqi'.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Wuj Richin ri Molojri'il 7:7

Kan qitzij wi chi toq niq'at rusamaj jun aj-na'oj nisach ruk'u'x, y toq nipuaqix niyojtej rubanik ri ránima.

Wuj Richin Etamabel-Tzij 6:32

Jak'a ri achin ri nuju-ri' rik'in jun k'ulan ixoq, xa ruyon rija' nroyoj wululen chirij, roma kan man nich'obon ta juba'.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

1 Sam 25:36

K'ari' ri Abigail xtzolin-el y toq xapon chirachoch, ri Nabal najin chubanik jun nimaq'ij achi'el nikiben ri rey. Y roma ri ruq'abarik kan janila nikikot ri ránima y roma ri' chupan ri q'ij ri', ri Abigail man jun xubij chire k'a ja toq xseqer-q'anej ri ruka'n q'ij.

Wuj Richin Etamabel-Tzij 31:4

Chuqa' kan man ruk'amon ta chike ri e rey, achi'el rat Lemuel, nikiqum ta vino pa ruk'iyal; kan man ruk'amon ta chike ri achi'a' e tata'al, ye'ok ta tijoy taq ya'.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Wuj Richin ri Jeremías 23:13

Yin kan e nutz'eton chi ri winaqi' ri ek'o pa tinamit Samaria kan nikiben ri man niqa' ta chinuwech. Kan nikiq'alajirisaj ri rubi' ri Baal y kan xkiben chike ri winaqi' richin ri tinamit Israel chi xkichop chik el jun bey.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.