Os 3:4 - Kaqchiquel Bible

⁴ Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Os 3:4 Iomraidhean Croise

Wuj Richin ri Rutikeribel 31:19

Jak'a ri Labán xa xberusokaj kisumal ri rukarne'l. Roma ri' ri Raquel xtikir xereleq'aj-el ri wachibel ri yek'atzin chire ri rutata' richin nuya' kiq'ij.

Wuj Richin ri Rutikeribel 31:34

Y jak'a ri Raquel ri e eleq'ayon-pe ri ru-dios ri rutata' y e rewan k'a chuxe' ri ruxalma ri ru-camello y rija' ch'okol pa ruwi'; rokik ri rutata' nikurul pa rachoch y man jun xril chiri'.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

2 Rey 23:24

Keri' chuqa' ri Josías xeruk'is k'a el konojel ri aj-itza' y ri yek'uluben ri itzel taq espíritu. Xerelesaj-el chuqa' ri taq wachibel ri richin pa taq jay, y ronojel ri man niqa' ta chuwech ri Dios ri ek'o chiri' pa ruwach'ulew Judá y pa Jerusalem, richin chi rija' nutaqej ri pixa' ri tz'ibatel kan chupan ri wuj ri xril ri sacerdote Hilquías chupan ri rachoch ri Jehová.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 28:6

Xtikiben k'a ri efod rik'in q'anapueq y lino ri jebel rubatz'ixik, ri raxroj, ri q'eqq'oj-keq y ri keq yetzu'un. Y re' kan xtiban k'a roma jun achin ri kan jebel retaman ri rusamaj.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 20:32

Xa kan k'o chik pan iwi' richin niben achi'el nikiben ri ch'aqa' chik ruwach'ulew ri nikiya' kiq'ij ri che' y ri abej. Re' man jun bey chik xtik'uluwachitej.

Ez 21:21

Toq ri rey richin Babilonia xtapon akuchi nuch'er kan ri' ri bey, jari' toq xtuch'ob k'a ri achike bey xtuk'uaj. Xtuk'ulubej k'a ri wachibel, xtrelesaj k'a jun ch'ab pa ruk'ojelibal richin nretamaj ri bey y xtukamisaj jun chikop richin jebel xtunik'oj ri rusase' richin nretamaj akuchi nibe-wi.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Dn 11:31

Ri e aj-labal aj-Siria xkeyakatej k'a chirij ri rachoch ri Dios, y xtikiben chire chi man jun rejqalen. Xtikipaba' k'a rusujik ri kamelabel ri yesuj ronojel nimaq'a' y tiqaq'ij, y xtikisuj k'a jun tz'il laj kamelabel ri kan nrixowaj ri Dios.

Dn 12:11

Xtuben k'a 1,290 q'ij chi man xtisuj ta chik ri kamelabel ri yesuj q'ij-q'ij, xa xtisuj k'a ri kamelabel ri kan nrixowaj ri Dios.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Os 13:10

¿Akuchi k'a k'o-wi ri a-rey richin ta chi yaruchajij rat y ri atinamit? ¿Akuchi k'a ek'o-wi ri to'onela' ri xe'ak'utuj chuwe, toq xabij: Taya' jun qa-rey y ke'aya' aj-raqen richin yek'oje' pa qawi'?, xacha'.

Os 13:11

Yin kan rik'in k'a woyowal xinya' ri a-rey, chuqa' rik'in woyowal xinwelesaj chik chawe.

Os 2:11

Ronojel ri kikoten ri k'o rik'in kan xtinwelesaj k'a chire. Xtinpaba' k'a ri nimaq'ij richin ri k'ak'a' taq ik' y ri q'ij richin uxlanibel, kan ronojel k'a nimaq'ij xtinpaba'.

Wuj Richin ri Chojmirisabelri'il 8:7

Y k'ari' ri Moisés xuwiq ri Aarón rik'in ri nim raqen tzieq, xubetz' rupan rik'in ri ximibel, k'ari' xuya' chik jun rutziaq ri más ko'ol juba' raqen y chirij ri' xuya' chik qa ri efod, y re' kan xuxim jebel rik'in ri ruximibal.

Wuj Richin ri Zacarías 10:2

Ri nikikuquba' kik'u'x kik'in wachibel xa kiyon rije' nikiq'ol-qa-ki'. Y ri nikibananej chi ketaman ri peteneq chiwech xa kan ruyon tz'ukun taq tzij ri yekibij. Nikibij chi k'o xk'utumej chikiwech, jak'a ri achik' ri' xa man jun nik'atzin-wi. Ri kich'abel richin kuqubabel-k'u'x xa man jun rejqalen. Roma ri' ri nuwinaq xkitalula-ki', achi'el nikiben ri tzobaj karne'l ri maneq niyuq'un kichin.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

San Juan 19:15

Jak'a ri winaqi' ri kimolon-apo-ki', rik'in k'a kuchuq'a' xech'on-apo y xkibij: ¡Tikamisex! ¡Tikamisex! ¡Tikamisex chuwech cruz!, xecha-apo. K'ari' ri Pilato xubij k'a chike: ¿Ja ri i-rey ri niwajo' chi ninteq rukamisaxik chuwech cruz?, xcha'. Jak'a ri aj-raqen kichin ri sacerdote xa xkibij k'a apo: ¡Xaxe ri César ri qa-rey roj!, xecha'.

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.

Wuj Kichin ri To'onela' 17:5

Y re achin re' xk'oje' kachoch ri dios ri' rik'in, y xuben jun tzieq ri nibix efod chire, y chuqa' xeruben ch'aqa' chik taq wachibel. Chuqa' xuben chire jun chike ri ruk'ajol chi xok sacerdote kichin re wachibel re'.

Wuj Kichin ri To'onela' 18:14

K'ari' ri wo'o' achi'a' ri xbeketamaj kan ri ruwach'ulew Lais y xkibij chike ri kiwinaq: Chupan re jay re' k'o jun efod, chuqa' kokoj taq wachibel, jun wachibel toch'on ri ya'on saqipueq chirij y jun chik banon rik'in saqipueq ya'erisan pa q'aq'. Wakami k'a tich'obo' achike niqaben rik'in ronojel re', xecha'.

Wuj Kichin ri To'onela' 8:27

Rik'in ri q'anapueq ri xmolotej, ri Gedeón xuben jun tzieq achi'el ri nukusaj ri nimalej sacerdote; y re tzieq re' xuyek pa tinamit Ofrá; y chijun tinamit Israel xa xbe kánima rik'in ri tzieq ri'; y xa xok jun pikbel chire ri Gedeón y chike ri e aj pa rachoch.

1 Sam 14:3

Y chikikojol k'a rije' k'o ri Ahías, ja rija' ri uk'uyon ri efod, ri tzieq banon rik'in lino. Ri Ahías ruk'ajol ri Ahitub, re Ahitub re' runimal ri Icabod ri e ruk'ajol kan ri Finees, y e rumam kan ri Elí. Y kan man jun k'a xnaben-el chi ri Jonatán xa xbe yan.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

1 Sam 21:9

Y ri Ahimélec xubij: Wawe' xaxe k'o kan ri ru-espada ri ánima Goliat ri aj-Filistea, ri achin ri xach'ek rat chiri' pa taq'aj richin Elá. Ri espada ri' bolqotin kan chupan jun tzieq, ri k'o kan chirij ri efod. Wi nawajo' ri', tak'uaj-el, roma wawe' man jun chik k'o, xaxe ri', xcha' rija'. Y ri David xubij chi tuya-pe, roma jari' ri más utz ri k'o.

1 Sam 22:18

K'ari' ri rey xubij chire ri Doeg: ¡Ke'akamisaj rat!, xcha'. Y rija' xerukamisaj e jumuch' wo'o' sacerdote.

1 Sam 23:6

Ri Abiatar xberila' ri David pa Queilá, ruk'uan-el jun tzieq richin sacerdote richin nuk'ulubej ri Jehová.

1 Sam 23:9

Jak'a ri David xa xunabej yan y xq'ax chuwech chi ri Saúl k'o niberubana' chire, y xubij chire ri Abiatar chi tuk'ama-pe ri rutziaq richin sacerdote.

1 Sam 30:7

K'ari' xubij chire ri sacerdote Abiatar ruk'ajol kan ri Ahimélec chi tuk'ama-pe ri tzieq ri nibix efod chire, richin nuk'utuj chire ri Dios. Y ri Abiatar kan xuk'en k'a pe ri tzieq ri' chire ri David.