Os 3:2 - Kaqchiquel Bible

² Keri' yin kan xinloq' k'a ri ixoq ri' richin chi xok wichin. K'o chi xinya' pa ruk'exel rija' wolajuj raqen saqipueq y 330 litro cebada.

Os 3:2 Iomraidhean Croise

Wuj Richin ri Rutikeribel 31:41

Keri' nubanon-pe kawineq juna' ri ink'o-pe chupan ri awachoch, kajlajuj juna' xatinwilij koma ri ami'al y waqi' juna' in samajineq-pe awik'in richin xinch'ek juba' taq wawej, ¿y jampe' man ta xajel wajel?

Wuj Richin ri Rutikeribel 34:12

Man jun rubanon wi xtik'utuj k'iy sipanik chuwe. Yin xtinya' chiwe janipe' niwajo' rix, xaxe tiya' q'ij chi ri iwana' nok wixjayil, xcha'.

Ex 22:17

Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.

Wuj Richin ri Isaías 5:10

Wi k'o kawineq jun k'an itiko'n richin uva, kan xaxe k'a ok waqi' galón ruya'al uva nuben toq niyitz'. Nitik-qa lajuj costal ija'tz richin trigo chupan ri janila chi iwulew, jak'a kan xaxe k'a ok jun ti costal trigo ri nuya-pe chiwe.

Ez 45:11

Ri etabel*f14* richin jalajoj ruwech ixin k'o chi junan rik'in ri etabel ri k'o ruya'al.

Os 3:3

Y xinbij k'a chire: Wakami kan yatok k'a wichin y man richin ta ok ka'i-oxi' q'ij. Kan man xtak'uaj ta chik ri itzel k'aslen. Man xkabe ta chik rik'in jun chik achin. Yin chuqa' kan xtinchajij-wi' chi kan xaxe in awichin rat, xicha' chire.

Wuj Richin ri Chojmirisabelri'il 27:16

Wi k'o ta jun wineq richinan kan jun ulew y nipe pa ránima chi juba' chire ri ulew ri' nusuj chuwe yin Jehová, ri sacerdote xtuch'ob k'a rij janipe' nuya' ri ulew ri' pa jun juna' richin nuch'ob rij janipe' nuya' pa kawineq lajuj juna'. Y pa ruwi' ri' nipe-wi ri janipe' k'o chi nutoj ri rajaw ri ulew, roma pa ruwi' chi lajujteq quintal cebada, k'o chi nutoj jun onza saqipueq y k'o chi nutoj kan pa jun bey ri janipe' chik juna' nrajo' richin napon ri juna' toq nitzolix ronojel.

Wuj Richin ri Rut 4:10

Y chuqa' yik'ule' rik'in ri Rut aj-Moab ri rixjayil kan ri Mahlón, richin man nik'is ta qa ri rijatzul rija'. Xtinben k'a keri' richin chi k'o ta jun ak'ual ri xtik'oje' pa ruk'exel y keri' man xtiyojtej ta ri rubi' chiqakojol roj ri qach'alal y ri qawinaq y richin chuqa' xtrichinaj kan ri ulew. Wakami k'a, kan ja rix ri xixtz'eton ronojel ri xbanatej, xcha' rija'.

1 Sam 18:25

Y ri Saúl xubij chik: Kere' tibebij chire ri David: Ri rey man nrajo' ta jun sipanik. Rija' nrajo' wok'al rutz'umal ri rutza'n ri kikowil ri aj-Filistea, richin nuben ruk'exel chike ri e etzelanel richin, kixcha' chire, xcha' ri rey. Ri ruch'obonik ri Saúl chi ri David nitzaq ta kan pa kiq'a' ri aj-Filistea.