Os 3:1 - Kaqchiquel Bible

¹ Ri Jehová xch'on chik k'a jun bey wik'in yin Oseas y xubij chuwe: Wakami kan tawajo' chik jun bey jun ixoq itzel ruk'aslen ri ajowan koma ch'aqa' chik achi'a'. Kan tawajo' k'a achi'el ri wajowabal yin Jehová, kik'in ri tinamit Israel. stape' ri winaqi' ri' xa kan xekitzeqelibej ch'aqa' chik dios. Y kan niqa' chikiwech ri kaxlan-wey ri banon rik'in uva ri sujun chik chikiwech ri Baal, xcha' chuwe.

Os 3:1 Iomraidhean Croise

2 Sam 6:19

Y k'ari' xujech chike chikijujunal ri ek'o chiri' jun kaxlan-wey, juba' ti'ij y jun wey ri banon rik'in uva ri chaqirisan. Chirij ri' chikijujunal ri winaqi' xetzolej-el pa taq kachoch.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

1 Crón 16:3

Chirij re' ri David xusipaj oxi' ruwech kaxlan-wey chike; jun choj kaxlan-wey, jun ponon kaxlan-wey banon rik'in dátil, y jun chik banon rik'in uva chaqirisan. Y re' xusipaj chike konojel aj-Israel ri ek'o chiri'; chi achi'a' chi ixoqi'.

Wuj Richin ri Nehemías 9:31

Jak'a man rik'in ri', rat xajoyowaj kiwech y man xe'ak'is ta, y chuqa' man xe'amalij ta kan, roma rat at jun Dios ri k'o koch'onik y joyowanik awik'in.

Wuj Richin Bix Chire ri Dios 123:2

Achi'el ri loq'on samajel ri rutzuliben ri ruq'a' ri rajaw; achi'el ri aj-ik' xten ri rutzuliben ri ruq'a' ri ixoq ri rajaw jay. Keri' at qatzuliben rat Jehová ri at qa-Dios; at qatzuliben k'a toq xtajoyowaj na qawech.

Ex 32:6

Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Wuj Richin ri Nimalej Bix 2:5

Kan taya' k'a uva chaqirisan chuwe richin chi nik'oje' chik juba' wuchuq'a', y taya' k'a manzana chuwe roma k'a ninwajo' na más ajowabel.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Jeremías 3:20

Jak'a rix xa xiben chuwe achi'el jun ixoq ri numalij kan ri rachijil. Keri' xiben chuwe rix. Yin Jehová ri yibin.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Os 2:5

Ri te'ej xa xutz'ilobisaj ri ruk'aslen, xa ruyon rija' xuqasaj ruq'ij roma xubij-qa: Kentzeqelibej na ri ye'ajowan wichin. Rije' kan xtikiya' k'a ri nukaxlan-way y ri nuya'. Kan xtikiya' k'a nutziaq ri e banon rik'in lana y lino. Kan xtikiya' k'a ri nu-aceite y ronojel ri xtinqum, xcha-qa.

Os 4:11

Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Os 7:5

Chupan ri nimaq'ij richin ri rey, kan xkiq'abarisaj ri rey, y ri e tata'al, kan xik'o ruwi' ri vino ri xkiya' chire.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

Wuj Richin ri Zacarías 1:16

Roma ri', rik'in k'a ri joyowanik xkitzolej chik iwik'in rix aj-Jerusalem. Y xtinben chi xtipabex chik q'anej ri wachoch y ri itinamit. Yin Jehová ri yibin, xcha'.

San Mateo 26:50

Jak'a ri Jesús xubij chire ri Judas: Tabana' ri achike no'abana', xcha' chire. Y kan jari' toq xejel-apo ri winaqi' ri e beneq chapoy richin ri Jesús y xkichop.

1 Corintios 10:21

Rix kan niqum k'a ri vino richin ninataj ri rukamik ri Cristo. Y wi keri', man ruk'amon ta chi niqum chuqa' ri xa xsuj yan chike itzel taq espíritu. Rix nitej ri kaxlan-wey richin ninataj ri rukamik ri Jesús. Y wi keri', chuqa' man ruk'amon ta nitej ri xa xsuj yan chike itzel taq espíritu.

1 Corintios 10:7

Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Wuj Kichin ri To'onela' 9:27

Y ri winaqi' aj-Siquem xebe k'a pa juyu' chuwuxik uva; k'ari' xkiyitz' y xkichop nimaq'ij; y xe'ok pa rachoch ri ki-dios; xewa' y xe'uk'ya' chiri', y xkisik'ij itzel oyonik pa ruwi' ri Abimélec.