Os 2:9 - Kaqchiquel Bible

⁹ Roma ri' xtapon k'a ri q'ij chi yin kan xtinwelesaj k'a ri trigo y ri vino chire. Xtinwelesaj k'a chire ri rutziaq ri banon rik'in lana y lino, ri tzieq ri achoq ik'in rukuchun-wi-ri'.

Os 2:9 Iomraidhean Croise

Ez 16:27

Roma ri', yin xiyakatej richin xinya' rutojbalil-mak pan awi' y kan xinwelesaj juba' awulew richin xinjech pa kiq'a' ri aj-Filistea, ri kan itzel chuqa' xkina' roma ri itzel taq abanobal.

Ez 16:39

Y kan xkatinjech pa kiq'a' ri e etzelanel awichin, richin xtikiwulaj ri akuchi naya' kiq'ij ri wachibel y chuqa' ri porobel ri ek'o pa taq bey. Xtink'uaj-el ronojel atziaq y ri jalajoj ruwech wiqobel ri k'o awik'in. Y kan man jun k'a xtik'oje' kan awik'in y kan xkach'ane' kan jumul.

Ez 23:26

Y keri' xtikik'uaj-el ronojel ri atziaq y ri abeyomel.

Dn 11:13

roma toq q'axineq chik ka'i-oxi' juna', ri rey ri k'o pa Siria xtibeyakatej chik pe y kan más chik k'a e k'iy aj-labal ri xkerachibilaj-pe.

Os 2:3

Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Os 8:7

Ri israelita xkitik k'a kaq'iq'; xtikiwachij k'a surkum. Man jun k'a ruwech tiko'n xtikik'ol chire ri ruwi' trigo, kan man xtiban ta k'a k'ej; y wi ta xtiban ri k'ej, xa winaqi' e aj juk'an chik xketijo-el.

Os 9:2

Ri trigo y ri vino kan man xkixruben ta, kan k'a k'o k'a vino ri xtiwajo'.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Sofonías 1:13

Roma ri' xa xtuk'uex k'a el ronojel ri kibeyomel, y ri kachoch kan xtitole' kan. Rije' xkekipabala-q'anej jay, jak'a xa man xkek'oje' ta chik chupan. Xkekitik-qa ki-uva, jak'a xa man xtikiqum ta chik ri vino, xcha' ri Dios.

Wuj Richin ri Malaquías 1:4

Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.