Os 2:3 - Kaqchiquel Bible

³ Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Os 2:3 Iomraidhean Croise

Ex 17:3

Y ri winaqi' kan janila k'a xchaqi'j kichi' ri chiri' y xa xexebexot chirij ri Moisés y xkibij chire: ¿Achike roma xojawelesaj-pe pan Egipto, xaxe richin yojken kan roma chaqi'j-chi'ij qonojel roj, ri qalk'ual y ri qawej?, xecha'.

Wuj Richin ri Isaías 33:9

Ronojel ri ruwach'ulew kan xchaqi'j y xmayamo' yan qa, achi'el jun wineq ri janila nibison y kan niken yan qa. Ri ruwach'ulew Líbano kan janila xchaqi'j y kan xmayamo' yan qa. Ri taq'aj richin Sarón xa kan tz'iran chik, achi'el ri Arabá. Chupan chijun taq'aj richin Basán y ri juyu' Carmelo kan ronojel k'a ri che' xechaqi'j yan qa.

Wuj Richin ri Isaías 47:3

Richin keri' xtiq'alajin ri ich'akul, y kan janila k'a xkixk'ixbitej, richin yin xtinwelesaj woyowal chiwij, y kan man jun xtikolotej kan.

Wuj Richin ri Isaías 64:10

Ri tinamit ri ek'o pa qaruwach'ulew xa kan xetole' k'a kan. Ri tinamit Sión xa kan xok kan jun tz'iran ruwach'ulew, y tolan-tolan xuben kan.

Wuj Richin ri Jeremías 12:10

E k'iy k'a chike ri e etzelanel wichin ri xkiwulaj kan ri ruwach'ulew, achi'el jun yuq'unel kan nuxeq' kan akuchi tikon-wi uva. Y ri ulew ri' kan janila jebel nutz'eton yin, jak'a kan xtikixolq'otij richin xtok kan tz'iran ruwach'ulew.

Wuj Richin ri Jeremías 13:22

Y wi xtik'utuj-qa achike roma kere' xik'uluwachij y kan xiya' ik'ix roma xixch'anabex y kan xkiqasaj iq'ij rik'in uchuq'a', xa roma ri nimalej taq imak.

Wuj Richin ri Jeremías 13:26

Y roma ri' yin chuqa' kan xkixinch'anaba' richin xkixinya' pa k'ixbilal.

Wuj Richin ri Jeremías 14:3

Ri beyoma' yekiteq-el ri kisamajela' chukanoxik ya'. Rije' yebe akuchi ek'o-wi yakbel taq ya', jak'a xa man nikil ta pe y yetzolin k'a pe rik'in ri kikuku' ri man jun ya' chupan. Sachineq-pe kik'u'x y e k'ixbitajineq-pe y nikikuch-pe ri kijolon.

Wuj Richin ri Jeremías 17:6

Ri nibanon keri', kan achi'el ri ruxulu-kiej ri k'o pa tz'iran ruwach'ulew chukojol abej y atz'an y ri man jun bey nik'iy ta juba'.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin ri Jeremías 22:6

Ri awachoch rat rey achi'el ri jebelej ruwach'ulew Galaad, achi'el ruwi' ri juyu' Líbano. Jak'a kan xtinben k'a chire richin xtok tz'iran ri man jun wineq ri xtik'oje' chuwech.

Wuj Richin ri Jeremías 4:26

Chuqa' xintz'et chi ronojel ri qasanbel-ulew, ri jebel tiko'n nuya', xe'ok tz'iran. Ronojel tinamit e wulatejineq chik kan, roma ri royowal ri Jehová.

Wuj Richin ri Jeremías 51:43

Ri kitinamit xke'ok tz'iran, chaqi'j y kan xtitole' kan. Y kan man jun chik ri xtik'oje' chiri' y man jun chik xtiq'ax keri'.

Wuj Richin ri Jeremías 51:5

Stape' ri aj-Israel y ri aj-Judá xemakun chinuwech yin y kan xkinojisaj chi mak ri kiruwach'ulew, yin Jehová ri k'o ronojel uchuq'a' wik'in, ri in loq'olej ki-Dios, man e numalin ta kan.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Ez 19:13

Ri che' ri' wakami xa pa tz'iran ruwach'ulew tikil-wi. pa jun ruwach'ulew chaqi'j-chaqi'j.

Os 13:15

Stape' ri Israel xtiwinaqir-q'anej chikikojol ri rach'alal, xa kan xtipe k'a jun kaq'iq' pa relebel-q'ij, xa kan xtipe k'a jun kaq'iq' wichin yin Jehová ri xtijote-pe pa tz'iran ruwach'ulew. Re kaq'iq' re' kan xtuchaqirisaj k'a kan ronojel ri ralaxbal taq ya' y kan xkek'is k'a ronojel. Ri e etzelanel kichin xa kan xtikik'uaj k'a el ronojel ri beyomel y ronojel ri k'o rejqalen ri k'o kik'in.

Os 2:10

Kan xtinya' k'a ruk'ix chikiwech ri ye'ajowan richin, kan man jun k'a xtikolon pa nuq'a'.

Apocalipsis 17:16

Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.

Wuj Kichin ri To'onela' 15:18

Y ri Sansón kan janila k'a chaqi'j-chi'ij chire y kan nik'at ri ránima. Jari' toq xch'on rik'in ri Jehová, y xubij chire: Rat xinakol yin ri asamajel. ¿Roma ta k'a chaqi'j-chi'ij yiken re wakami y ri tz'ilolej taq aj-Filistea xa choj chik yinokisik'a-el?, xcha'.