Os 2:16 - Kaqchiquel Bible

¹⁶ Toq xtapon k'a ri q'ij ri' ri tinamit Israel kan xtubij k'a chuwe: Wachijil yin. Kan man jun bey chik k'a xtubij chuwe: Nu-Baal yin.

Os 2:16 Iomraidhean Croise

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

Wuj Richin ri Isaías 40:2

Kach'on kik'in ri aj-Jerusalem, y katzijon kik'in rik'in ajowabel. Taya' rutzijol chike chi ri ximonri'il ri ek'o-wi, kan xtik'is, y ri kimak xa xinkuy yan. Kan k'iy yan bey xkik'ul ri rutojbalil ri kimak.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Jeremías 3:14

Kixtzolin-pe wik'in yin, rix ri ix yakatajineq chuwij, roma ja yin ri in iwajaw, nubij ri Jehová. Y yin xkixink'en-pe chi'ijujunal chupan ri ch'aqa' chik ruwach'ulew akuchi ixintalun-wi y kan xtinben k'a chiwe richin xkixtzolin-pe pa tinamit Sión.

Ez 20:35

Kan xkixink'uaj k'a el pa tz'iran ruwach'ulew chikikojol ri ch'aqa' chik winaqi' y chiri' xtinq'et k'a tzij pan iwi'.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

2 Corintios 11:2

Kan yixinchajij-wi k'a rik'in ri ik'aslen achi'el nuben ri Dios iwik'in. Yin ninwajo' chi rix yixapon ta rik'in ri Cristo rik'in jun k'aslen ch'ajch'oj, achi'el ta jun xten ri kan ch'ajch'oj y nibek'ule' yan rik'in jun ala' ri xtok rachijil.

Apocalipsis 19:7

Kan qojkikot k'a y qojnimaq'ijun, y tiqaya' ruq'ij-ruk'ojlen ri Dios; roma jare' xoqaqa ri q'ij richin nibanatej ri nimalej k'ulubik richin ri Karne'l. Y ri xten kan ruchojmirisan chik ri' richin ri ruk'ulubik.

Wuj Kichin ri To'onela' 19:3

toq xapon ri rachijil richin xberubochi'ij richin nitzolin chik rik'in; ruk'uan k'a el jun rusamajel y ka'i' bur. Y ri ixoq xukusaj-apo pa rachoch ri rutata'.

Wuj Richin ri Rut 2:13

Y ri Rut xubij: Táta, kan jantape' ta xtink'ul utzil awik'in, roma ri ch'abel ri xabij chuwe kan xapon k'a pa wánima y janila nukuquba' nuk'u'x, roma kan xach'on wik'in rik'in ajowabel, stape' xa man in asamajel ta, y chuqa' man in jun ta chike ri awaj-ik'a', xcha' ri Rut.