Os 2:11 - Kaqchiquel Bible

¹¹ Ronojel ri kikoten ri k'o rik'in kan xtinwelesaj k'a chire. Xtinpaba' k'a ri nimaq'ij richin ri k'ak'a' taq ik' y ri q'ij richin uxlanibel, kan ronojel k'a nimaq'ij xtinpaba'.

Os 2:11 Iomraidhean Croise

1 Rey 12:32

Chuqa' xutikeriba-q'anej jun nimaq'ij ri kan k'o chi niban ronojel wolajuj q'ij richin ri ik' waqxaqi', achi'el toq ri aj-Judá yenimaq'ijun, y nikiya' ruq'ij ri Jehová. Kan ja rija' ri xsuju ri kamelabel, y re' xuben pa Betel chuwech ri nima-alaj achij wákix ri rubanon-q'anej. Chuqa' xeruya' sacerdote chiri' ri akuchi niya-wi kiq'ij ri ch'aqa' chik dios ri pa ruwi' taq juyu'.

Wuj Richin ri Jeremías 16:9

Yin Jehová k'iytisanel richin ronojel, ri Dios richin ri tinamit Israel ri yibin. Tabij k'a chike ri awinaq: Chi yin xtinben chi chupan ronojel ri itinamit xtik'is ri bixanik richin nimaq'ij, ri kikoten y chuqa' ri bixanik richin k'ulubik. Re' kan xtibanatej yan y rix kan xtitz'et rik'in ri runaq' taq iwech, xkacha' chike.

Wuj Richin ri Jeremías 25:10

Ninbenbana' k'a chiwe richin chi'ikojol rix man xtak'axatej ta chik bixanik richin nimaq'ij ni richin kikoten. Ni man xtak'axatej ta chik bix richin k'ulubik, ni man xtak'axatej ta chik ri abej richin ke'en, ni man xtitz'etetej ta chik ri saqil kichin ri taq lámpara.

Wuj Richin ri Jeremías 7:34

Chiri' pa taq tinamit Judá y pa taq bey richin ri tinamit Jerusalem man jun chik bixanik richin nimaq'ij, o richin kikoten o ri bixanik richin k'ulubik, roma chijun ruwach'ulew xtitole' kan.

Ez 26:13

Richin keri' xtinben chiwe chi man xtak'axatej ta chik ri bix richin nimaq'ij y man xtak'axatej ta chik ri ruch'abel ri arpa.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Os 5:7

Kan xemakun k'a chinuwech roma ek'o alk'ualaxela' kik'in ri xa jun chik kitata'. Roma ri' pa jun ik' xkebek'is konojel, rije' y ri kiruwach'ulew.

Wuj Richin ri Chojmirisabelri'il 26:20

Kan man jun k'a xtuq'ajuj ri isamaj ri xtiben roma ri itiko'n kan man xtik'ase' ta chik y ni ta ri che' man xtikiya' ta chik kiwech.

Am 5:21

Yin kan ninwixowaj ri nimaq'ij ri niben; kan itzel nintz'et toq nimol-iwi' richin niya' nuq'ij.

Am 8:3

Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Am 8:5

Rix nibij: ¿Janipe' k'a nik'is richin ninimaq'ijux ri k'ak'a' ik', richin niqak'ayij ri qa-trigo? ¿Janipe' k'a nik'is ri q'ij richin uxlanen, richin niqak'ayij ri jalajoj ruwech ixin? Tiqakusaj pajbel ri man e tz'aqet ta. Tiqajotoba' rajel ronojel. Tiqakusaj etabel ri man e tz'aqet ta.

Wuj Richin ri Nahum 1:10

Ri e etzelanel kan kisuq'un-ki' chupan jun k'ix ri man yetikir ta chik nikikol-ki'. Chuqa' kan achi'el nuben jun q'abarel. Kan xkek'is k'a achi'el ri chaqi'j k'im.