Os 12:3 - Kaqchiquel Bible

³ Ri Jacob kan k'a k'o na chupan ri rute' toq xuchop chuqul raqen ri runimal. Keri' chuqa' rik'in ri ruchuq'a' kan xch'akon chirij ri ángel ri xchapo richin.

Os 12:3 Iomraidhean Croise

Wuj Richin ri Rutikeribel 25:26

K'ari' xalex ri chaq'laxel y kan ruchapon-pe pa ruxtuxil ri Esaú, y roma ri' xubini'aj Jacob.*f24* Y ri Isaac oxk'al k'a rujuna' chiri' toq ri rixjayil xeralaj ri ak'uala' ri'.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

Wuj Richin ri Jeremías 2:9

Roma ri' kan ninch'ojij chiwe rix y chike ri iwiy-imam. Yin Jehová ri yibin.

Ez 7:3

Kan xtinwelesaj k'a woyowal chiwij y kan xtinch'ojij k'a chiwe ronojel ri itzel taq ibanobal, roma kan man niqa' ta chinuwech yin.

Ez 7:8

Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Os 4:9

Kan xtinya' k'a rutojbalil-mak pa ruwi' ri nutinamit. Junan kik'in ri sacerdote, xtikik'ul k'a rutojbalil ri kibanobal.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Wuj Richin ri Miqueas 6:2

Rix juyu' ri ix ruch'okolibal ri ruwach'ulew, tiwak'axaj chuqa' ri nuch'ojinik chikij ri nutinamit Israel, roma xtinben jun ch'ojikil kik'in.

Romanos 9:11

Jak'a toq man jani ke'alex, ri Dios xubij*f18* yan chire ri te'ej chi ri nimalaxel xtrilij ri chaq'laxel. Y roma ri xkik'uluwachij kik'in ri ka'i' ak'uala' ri', kan niq'alajin-wi chi ri Dios man xerucha' ta roma ri utzilej kibanobal, o xeretzelaj roma ri kibanobal man utz ta. Jak'a rija' yerucha' ri nrajo' rija'.