Os 11:3 - Kaqchiquel Bible

³ Man rik'in ri' yin kan xentijoj k'a rije' richin yebiyin chupan ri ruchojmilal. Kan xenyuqej k'a chikiq'a'. Jak'a rije' xa man xkiya' ta rejqalen chi kan ja yin ri in chajiyon kichin.

Os 11:3 Iomraidhean Croise

Wuj Richin Bix Chire ri Dios 107:20

Kan xaxe toq rija' xch'on, rije' kan xek'achoj. Kan xerujech'ej k'a chuwech ri kamik.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Ex 19:4

Rix kan xitz'et k'a jebel ri xinben yin kik'in ri aj-Egipto, ri xinben richin xixink'en-pe wawe' wik'in yin, achi'el xa ta xixpe pa ruwi' ruxik' jun kot.

Ex 23:25

Kan ja yin Jehová ri i-Dios ri kinisamajij. Y yin kan xkixinwurtisaj k'a rik'in ri iway y ri iya'. Y chuqa' kan xtinwelesaj k'a ronojel yabilal chi'ikojol rix.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Wuj Richin ri Isaías 30:26

Y ri rusaqil ri ik' kan achi'el rusaqil ri q'ij, y ri rusaqil ri q'ij kan wuqu' mul más seq chuwech ri kan rubanon-pe. Ja q'ij ri' ri Jehová kan xtraq'omaj y xtupis ri isokotajik rix.

Wuj Richin ri Isaías 46:3

Kiniwak'axaj k'a rix ri ix israelita, ri juba' chiwe rix ri xixk'ase' kan. Yin kan janila ix wajowan-pe, kan k'a ja toq man jani kixalex, yin kan ix in ch'elen chik.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin ri Jeremías 30:17

Jak'a yin kan xtinya' chik ri raxnaqil chiwe y xtinwaq'omaj ri isokotajik stape' konojel ri e etzelanel iwichin xtikibij-qa chi rix aj-Sión kan ix malin y kan man jun achike ninatan iwichin. Yin Jehová ri yibin.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Os 14:4

Ri Dios nubij k'a: Yin kan xtinkuy k'a ronojel ri kimak ri aj-Israel. Kan xkenwajo' chik k'a, stape' man ruk'amon ta roma ri itzel kibanobal. Roma xa kan xk'is yan qa ri woyowal pa kiwi'.

Os 2:8

Jak'a rija' xa man xuya' ta rejqalen chi ri trigo, ri vino y ri aceite xa ja yin ri in yoyon chire. Ri q'anapueq y ri saqipueq ri kan pa ruk'iyal nuya'on chire, xa chire ri Baal xusuj-wi.

Os 7:1

Ri Jehová nubij: Rokik yin ninwajo' ninwaq'omaj ri tinamit Israel, xa xbek'ulun k'a pe ri rumak. xbek'ulun-pe ri itzel taq rubanobal ri tinamit Samaria. Rije' xa kan xaxe k'a q'oloj nikiben, e achi'el k'a eleq'oma' ri ye'ok pa taq jay, kan yekichop k'a ri winaqi' pa taq bey.

Os 7:15

Ja yin ri xitijon kichin, ja yin ri xiya'on kuchuq'a'. Jak'a rije' xa xkich'ob richin nikiben itzel chuwe.

Hechos 13:18

Kawineq k'a juna' ri xkik'owisaj chupan ri tz'iran ruwach'ulew, ri Dios xukoch' ri kibanobal.

Deut 1:31

Y ri pa tz'iran ruwach'ulew, rix xitz'et chi ri Jehová ri qa-Dios xojruk'en-pe, achi'el jun tata'aj toq nuk'uaj ri ti ruk'ajol. Kan keri' k'a rubanon-pe qik'in chupan ri qabey ri qabanon-pe, k'a re akuchi xojoqaqa-wi, xicha' chiwe.

Deut 33:27

Ri Dios richin q'asen jari' ri itobal. Ja rija' ix chapayon rik'in uchuq'a' tibe-q'ij tibe-seq. Xtuben k'a chi ye'animej-el chiwech ri e etzelanel iwichin, y nubij chiwe richin ye'ikamisaj.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.