Os 10:9 - Kaqchiquel Bible

⁹ Ri Jehová nubij: Ri aj-Israel kan man e tanel ta richin yemakun, kan kichapon-pe toq xbanatej ri mak pa Guibeá. Kan jantape' k'a ek'o chupan ri mak. Roma ri' ri oyowal kan xkeberuq'i' k'a ri itzel taq winaqi' ri ek'o pa Guibeá.

Os 10:9 Iomraidhean Croise

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Os 10:10

Kan xtinbenya' k'a rutojbalil-mak pa kiwi' toq yin xtinwajo'. Kan xtikimol k'a pe ki' tinamit chikij richin ninya' rutojbalil chike roma ri kamik ri xekibanala'.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Wuj Kichin ri To'onela' 20:5

Y xeyakatej k'a chuwij ri aj-Guibeá. Xkisutij-rij ri jay ri akuchi ojk'o-wi ri aq'a' ri', rik'in ri kich'obonik richin yinkikamisaj. Jak'a ri nu-concubina xkiqasaj ruq'ij y xek'oje' rik'in chi jun aq'a', y roma ri' xken.