Os 10:8 - Kaqchiquel Bible

⁸ Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

Os 10:8 Iomraidhean Croise

Wuj Richin ri Rutikeribel 3:8

Y chupan k'a ri tiqaq'ij ri' ri Dios nibiyajilan chupan ri qejoj. Y rije' xkak'axaj y junanin xebe chukojol ri che' ri ek'o chiri' y xbekewaj-ki' chuwech rija'.

1 Rey 13:2

Jari' toq ri achin ri' rik'in ronojel ruchuq'a' xch'on pa rubi' ri Jehová y xubij: ¡Porobel! Ri Jehová kan nubij chi pan awi' rat xkesuj-wi ri e sacerdote ri yeporon pom pa ruwi' re juyu' re'. Y pan awi' chuqa' rat xkeporox-wi ri kibaqil ri winaqi'. Kan jak'a ri ak'ual ri xtalex pa rachoch kan ri rey David, jari' ri xtibanon y ri ak'ual ri' xtubini'aj Josías, xcha'.

1 Rey 13:34

Y jare' ri xkimakuj ri Jeroboam y ri aj pa rachoch. Y roma ri' xetzaq y xek'is-el pa ruwi' re ruwach'ulew.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

2 Crón 31:1

Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 2:21

Xtibanatej ronojel re' toq ri Jehová xtiyakatej richin nusiloj ri ruwach'ulew, y ri winaqi' xtikewaj-ki' chuxe' nima'q taq abej, chuqa' chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 32:13

Chuqa' kixoq' pa ruwi' ri ulew, roma kan xkenoj k'ix chupan. Kixoq' pa kiwi' ri jay akuchi janila yekikot ri winaqi', y chijun ri tinamit ri yenimaq'ijun.

Wuj Richin ri Isaías 34:13

Chupan ri rachoch kan ri rey xkebek'iy-pe jalajoj ruwech k'ix, chuqa' chikij ri tz'aq richin tobel kan xkebek'iy-pe ri ley. Chiri' xkek'oje-wi ri utiwa', y chiri' chuqa' xkek'oje-wi ri túkur.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 10:9

Ri Jehová nubij: Ri aj-Israel kan man e tanel ta richin yemakun, kan kichapon-pe toq xbanatej ri mak pa Guibeá. Kan jantape' k'a ek'o chupan ri mak. Roma ri' ri oyowal kan xkeberuq'i' k'a ri itzel taq winaqi' ri ek'o pa Guibeá.

Os 2:6

Roma ri' kan xtintz'apej ri rubey rik'in k'ix kan xtinya' k'a jun tz'aq chirij richin chi nisach ruk'u'x y man nril ta chik rubey.

Os 4:13

Xekamela'an pa ruwi' taq juyu', xekiporola' pom pa ruwi' taq tanatik. Keri' xkiben chuxe' taq che' ri janila kixaq. Roma ri' xemakun ri kimi'al. Ri kali' xemakun kik'in ch'aqa' chik achi'a'.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 8:5

Rix aj-Samaria, ri ruwachibel ri achij wákix ri xiben, jari' k'a ri xixjik'on kan wik'in yin. Yin kan yakatajineq k'a woyowal chiwij rix. ¿K'a janipe' k'a xtich'ajch'ojirisaj-iwi' rix israelita?

Os 9:6

Roma k'a ri wululen ri xtipe pan iwi' kan xkixbe; ri Egipto kan xkixruk'ul chik k'a, chupan k'a ri tinamit Menfis xkixmuq-wi. Ri saqipueq ri xk'oje' iwik'in xa xkebek'iy-pe k'ix pa ruwi'. Ri akuchi xk'oje-wi-el ri iwachoch xa xkebenoj-pe chi k'ix.

Am 1:5

Kan rik'in ri nimalej wuchuq'a' xtinjoq' ruchi' ri tz'aq richin ri Damasco. Kan xtinkamisaj ri rey richin ri Bicat-avén. Chuqa' xtink'is ri niq'aton-tzij pa ruwi' ri Bet-edén. Ri aj-Siria xke'uk'uex-el pa ximonri'il pa ruwach'ulew Quir. Yin Jehová ri yibin.

Am 3:14

Toq xtinya' rutojbalil-mak pa kiwi' ri israelita, kan xtinwulaj ri porobel ri ek'o pa Betel. Ri achi'el taq uk'a' ri ek'o pa taq ruxikin ri porobel xa xkepax; y xketzaq pan ulew.

Am 7:9

Ri juyu' ri akuchi nikiya' kiq'ij ri ki-dios kan xtik'is jumul. Ri kachoch ri ki-dios kan xkewulatej kan. Y ri aj pa rachoch kan ri Jeroboam kan xkenkamisaj rik'in espada, xcha'.

Am 8:14

Chi'iwonojel xkixtzaq y man xkixyakatej ta chik: Rix ri nijikiba' itzij chuwech ri wachibel ri k'o pa Samaria, rix ri niya' itzij pa rubi' ri dios ri k'o pa Dan, ri niya' itzij pa rubi' ri dios ri k'o pa Beerseba. Xkixtzaq y man jun bey chik xkixyakatej, xcha'.

Wuj Richin ri Miqueas 1:13

Ri winaqi' aj-Laquis kan xkekixim ri kiej ri más ye'anin chire ri ki-carruaje. Ja rije' ri xetijon ri winaqi' aj-Sión chire ri mak, rije' kan xeyakatej chirij ri Dios, achi'el xkiben ri aj-Israel.

Wuj Richin ri Miqueas 1:5

Ronojel re' xtibanatej roma rix nuwinaq xixyakatej chirij ri Dios. Rix ri ix rijatzul kan ri Jacob xixmakun chuwech rija'. ¿Achike ta k'a k'o rumak chire ri yakatajinenri'il richin ri Israel? ¿Man ja ta kami ri Samaria? ¿Achike ta k'a yeya'on kiq'ij ri wachibel chiri' pa Judá? ¿Man ja ta kami ri Jerusalem?

Wuj Richin ri Nahum 3:11

Nínive, wakami ja rat k'a ri xkabek'uluwachin keri', rat chuqa' xkabeq'aber y xtabewewaj-awi'. Xtakanoj akuchi xtato-awi' chikiwech ri e etzelanel awichin.

San Lucas 23:30

Roma jari' toq xtibanatej chi ri winaqi' kan xkech'owiyaj chike ri nima'q taq juyu' y xtikibila': Kixtzaq-pe chiqij. Y chike ri kokoj taq juyu' xtikibila' k'a: Qojiwewaj, xkecha'.

Deut 9:21

Xeri' xinchop ri ruwachibel ri nima-alaj achij wákix ri xkiben, ri achoq ik'in xemakun-wi, xinwulaj y xinporoj. K'ari' xinben poqolaj chire, y xinjopij pa ruwi' ri ch'uti'n raqen-ya' ri xulan-pe kojol juyu'.

Apocalipsis 6:16

Y konojel re winaqi' re' yech'on chike ri juyu' y ri abej, y nikibila' k'a: Kixtzaq-pe chiqij y qojiwewaj chuwech la tz'uyul chupan la tz'uyubel richin q'atbel-tzij. Y qojiwewaj chuwech ri royowal ri Karne'l.

Apocalipsis 9:6

Y ri q'ij ri' ri winaqi' xtikikanola' ri kikamik y man xtikil ta, roma ri kamik xa xtrewaj-el-ri' chikiwech.