Os 10:3 - Kaqchiquel Bible

³ Rije' xtikibij k'a: Wakami xa maneq qa-rey, kere' xqak'uluwachij roma man xqanimaj ta rutzij ri Dios. Stape' k'o ta qa-rey, ¿achike ta k'a xtitikir xtuben ta pa qawi' rija'?, xkecha'.

Os 10:3 Iomraidhean Croise

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

2 Rey 15:13

Toq k'a k'es na ri Ozías,*f5* y chupan ri juna' juwineq belejlajuj chire ri ruq'atbal-tzij, ri Salum ruk'ajol ri Jabés xok kan rey. Y xaxe jun ik' ri xuq'et-tzij pa ruwi' ri Israel, chiri' pa Samaria.

Wuj Richin Bix Chire ri Dios 118:9

Más utz niqakuquba' qak'u'x rik'in ri Jehová, ke chuwech niqakuquba' qak'u'x kik'in ri e tata'al.

Wuj Richin Bix Chire ri Dios 12:4

ri winaqi' ri nikibij: Rik'in ri qach'abel yojch'akon; ri qaq' kan yojruto', roma ri' kan man jun xtitikir qik'in, yecha'.

Wuj Richin ri Isaías 5:19

Rix kan nitze'ej ri Jehová y nibij chi tipe yan chi'anin richin ri nrajo' nuben, kan tubana', richin chi nitz'et rix. Rix chuqa' nibij chi kan tubana' k'a ri ruch'obon richin niq'ax chiwech.

Os 10:15

Keri' k'a xtuben chiwe rix winaqi' ri ixk'o pa Betel, keri' xtuben chiwe roma ri nimalej imak. Ri rey richin Israel xa kan kamineq chik k'a toq xtiseqer-pe, ncha' ri Dios.

Os 10:7

Ri rey richin Samaria xa kan xtik'is k'a jumul. Xa kan xtuben k'a el achi'el ri woqoq pa ruwi' ri ya'.

Os 11:5

Rije' man xketzolin ta chik k'a pan Egipto, pa ruk'exel ri' xa jak'a ri rey richin Asiria ri xtik'oje' pa kiwi'. Kere' xtikik'uluwachij roma kan man xkajo' ta xtzolej kik'u'x wik'in.

Os 13:10

¿Akuchi k'a k'o-wi ri a-rey richin ta chi yaruchajij rat y ri atinamit? ¿Akuchi k'a ek'o-wi ri to'onela' ri xe'ak'utuj chuwe, toq xabij: Taya' jun qa-rey y ke'aya' aj-raqen richin yek'oje' pa qawi'?, xacha'.

Os 13:11

Yin kan rik'in k'a woyowal xinya' ri a-rey, chuqa' rik'in woyowal xinwelesaj chik chawe.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Wuj Richin ri Miqueas 4:9

Jak'a re wakami, rix yixsik'in roma maneq chik i-rey y xa xeken-el ri ipixabanela'. Rix nina' janila q'axo'n achi'el ruq'axo'n jun ixoq ri nalex yan ti ral.

San Juan 19:15

Jak'a ri winaqi' ri kimolon-apo-ki', rik'in k'a kuchuq'a' xech'on-apo y xkibij: ¡Tikamisex! ¡Tikamisex! ¡Tikamisex chuwech cruz!, xecha-apo. K'ari' ri Pilato xubij k'a chike: ¿Ja ri i-rey ri niwajo' chi ninteq rukamisaxik chuwech cruz?, xcha'. Jak'a ri aj-raqen kichin ri sacerdote xa xkibij k'a apo: ¡Xaxe ri César ri qa-rey roj!, xecha'.

1 Sam 12:25

Jak'a wi xa ja ri etzelal ri xtiben chuwech ri Jehová, kan tiwetamaj k'a chi rix y ri rey xkixk'is chi'iwonojel, xcha'.